ଶ୍ରାବଣ ମାସ ୨୨ ଜୁଲାଇ ସୋମବାରରୁ ଆରମ୍ଭ ହୋଇଛି । ଅନେକ ଶ୍ରଦ୍ଧାଳୁ ଏହି ମାସରେ ଭଗବାନ ଭୋଳାଶଙ୍କରଙ୍କୁ ପ୍ରସନ୍ନ କରିବା ପାଇଁ ପୂଜାର୍ଚ୍ଚନା କରି ଥାଆନ୍ତି । ଭଗବାନଙ୍କୁ ପ୍ରସନ୍ନ କରିବା ପାଇଁ ଶିବ ମନ୍ଦିରରେ ଜଳାଭିଷେକ କରି ଥାଆନ୍ତି । ରୁଦ୍ରାଭିଷେକ ମଧ୍ୟ କରି ଥାଆନ୍ତି ।
ଶ୍ରାବଣ ମାସରେ ଅନେକ ବ୍ରତ, ପର୍ବ ମଧ୍ୟ ପାଳନ କରାଯାଏ । ଧାର୍ମିକ ମାନ୍ୟତା ଅନୁଯାୟୀ, ଶ୍ରାବଣ ମାସରେ ଭକ୍ତି ଭାବରେ ପ୍ରଭୁଙ୍କୁ ପୂଜାର୍ଚ୍ଚନା କଲେ ସମସ୍ତ ମନସ୍ମାମନା ପୂରଣ ହୋଇଥାଏ ବୋଲି ମାନ୍ୟତା ରହିଛି । ବିବାହ ଠାରୁ ଆରମ୍ଭ କରି ଚାକିରି ସମସ୍ତ କ୍ଷେତ୍ରରେ ସଫଳତା ମିଳିଥାଏ । ଜାଣନ୍ତୁ ରାଶି ଅନୁଯାୟୀ କେମିତି କରିବେ ପୂଜା..
ମେଷ – ମେଷ ରାଶି ବ୍ୟକ୍ତି ବିଶେଷ ଶ୍ରାବଣ ମାସରେ ଶିବଙ୍କୁ ପ୍ରସନ୍ନ କରିବା ପାଇଁ ବେଲ ପତ୍ର, ଲାଲ ଚନ୍ଦନ, ଲାଲ ଫୁଲ ଅର୍ପଣ କରି ଭଗବାନଙ୍କ ପୂଜା କରନ୍ତୁ ।
ବୃଷ – ଭଗବାନଙ୍କ କୃପା ପ୍ରାପ୍ତି ପାଇଁ ଏହି ରାଶିର ବ୍ୟକ୍ତି ବିଶେଷ କ୍ଷୀର, ଦହି, ଧଳା ଫୁଲ, ଗଙ୍ଗାଜଳ ଆଦିରେ ପ୍ରଭୁଙ୍କ ପୂଜା କରନ୍ତୁ । ଏହାସହ ମହାମୃତ୍ୟୁଞ୍ଜୟ ସହ ଅନ୍ୟ ମନ୍ତ୍ରର ମଧ୍ୟ ଜପ କରନ୍ତୁ ।
ମିଥୁନ- ଏହି ରାଶିର ବ୍ୟକ୍ତି ବିଶେଷ ପାଣିରେ ଦହି ମିଶାଇ ଶିବଲିଙ୍ଗରେ ଅର୍ପଣ କରନ୍ତୁ । ଆଖୁରସ ମଧ୍ୟ ଅର୍ପଣ କରି ପାରିବେ । ଏହାଦ୍ୱାରା ମନସ୍କାମନା ପୂରଣ ହେବା ସହ ବିଶେଷ କୃପା ପ୍ରାପ୍ତି ହୋଇଥାଏ ।
କର୍କଟ – ଶିବ ଶଙ୍କରଙ୍କୁ ପ୍ରସନ୍ନ କରିବା ପାଇଁ ଏହି ରାଶିର ବ୍ୟକ୍ତି ବିଶେଷ ଧଳା ଫୁଲ, କ୍ଷୀର ଆଦି ଅର୍ପଣ କରନ୍ତୁ ।
ସିଂହ – ଏହି ରାଶିର ବ୍ୟକ୍ତି ବିଶେଷ ପାଣିରେ ଗୁଡ ମିଶାଇ ଭୋଳାଶଙ୍କରଙ୍କୁ ଅର୍ପଣ କରନ୍ତୁ । ଫୁଲ, ଗହମ, ଲାଲ ଫୁଲ ଅର୍ପଣ କରିବା ମଧ୍ୟ ଶୁଭଙ୍କର ।
କନ୍ୟା –ଏହି ରାଶିର ବ୍ୟକ୍ତି ବିଶେଷ ଭଗବାନଙ୍କୁ ପ୍ରସନ୍ନ କରିବା ପାଇଁ ବେଲପତ୍ର, ଦୁବ, ପାନ, ଦୁଦୁରା ଫୁଲ, ଗଙ୍ଗାଜଳ ଆଦି ଅର୍ପଣ କରନ୍ତୁ ।
ଶ୍ରାବଣ ମାସ : ବାସ୍ ଏହି ସରଳ ଉପାୟ ଦୂର କରିବ ବିବାହ ଠାରୁ ଚାକିରି, ସ୍ୱାସ୍ଥ୍ୟ ସମସ୍ୟା..
ତୁଳା- ଏହି ରାଶିର ବ୍ୟକ୍ତି ବିଶେଷ ଧଳା ଚନ୍ଦନ, ଗଙ୍ଗାଜଳ, ଦହି, ମହୁ ପ୍ରଭୁଙ୍କୁ ଅର୍ପଣ କରନ୍ତୁ ।
ବିଛା – ଏହି ରାଶିର ବ୍ୟକ୍ତି ବିଶେଷ ଲାଲ ଫୁଲ, ବେଲପତ୍ର ଅର୍ପଣ କରିବା ଦ୍ୱାରା ଅତ୍ୟନ୍ତ ଶୁଭଫଳ ମିଳିଥାଏ ।
ଧନୁ- ଭଗବାନ ଶଙ୍କରଙ୍କ ବିଶେଷ କୃପା ପାଇଁ ଏହି ରାଶିର ବ୍ୟକ୍ତି ବିଶେଷ କ୍ଷୀରରେ ହଳଦୀ ମିଶାଇ ପ୍ରଭୁଙ୍କୁ ଅର୍ପଣ କରନ୍ତୁ । ବେସନର ମିଠା ମଧ୍ୟ ଭୋଗ କରି ପାରିବେ ।
ମକର – ଏହି ରାଶିର ବ୍ୟକ୍ତି ବିଶେଷ ଭଗବାନଙ୍କୁ ପ୍ରସନ୍ନ କରିବା ପାଇଁ ନୀଳ ଫୁଲ, ବେଲପତ୍ର, ଶମି ପତ୍ର, ଦୁଦୁରା ଫୁଲ ଅର୍ପଣ କରନ୍ତୁ ।
କୁମ୍ଭ – ଏହି ରାଶିର ବ୍ୟକ୍ତି ବିଶେଷ ନୀଳ ଫୁଲ, ଶମି ପତ୍ର, ଆଖୁ ରସ ଆଦି ଅର୍ପଣ କରିବା ଶୁଭଙ୍କର ।
ମୀନ – ଏହି ରାଶିର ବ୍ୟକ୍ତି ବିଶେଷ ହଳଦିଆ ଫୁଲ, ଆଖୁ ରସ, କେସର ମିଶ୍ରିତ କ୍ଷୀର ପ୍ରଭୁଙ୍କୁ ଅର୍ପଣ କରନ୍ତୁ ।
