ସମାଜ ଡିଜିଟାଲ ଡେସ୍କ: ଯଦି ଆପଣ ଅନଲାଇନ୍ ପେମେଣ୍ଟ ପାଇଁ ଗୁଗଲ୍ ପେ’ ବ୍ୟବହାର କରନ୍ତି ତେବେ କେତେକ ବିଶେଷ କଥା ପ୍ରତି ଧ୍ୟାନ ଦେବା ଉଚିତ୍, ଯାହା ଆପଣଙ୍କର ଅନଲାଇନ୍ ପେମେଣ୍ଟକୁ ସୁରକ୍ଷିତ କରିବ। ଏଥିସହ ଯଦି ଆପଣ ଭୁଲରେ ଅନ୍ୟ ଆକାଉଣ୍ଟକୁ ଟଙ୍କା ପଠାଇ ଦେଇଛନ୍ତି, ତେବେ ଏଭଳି ପରିସ୍ଥିତିରେ କ’ଣ କରିବା ଆବଶ୍ୟକ ଆସନ୍ତୁ ବିସ୍ତୃତ ଭାବରେ ଜାଣିବା ଏ ବିଷୟରେ..
ଯଦି ଆପଣ ଏକ ଭୁଲ ଆକାଉଣ୍ଟକୁ ଟଙ୍କା ପଠାଇଛନ୍ତି, ଯଥାଶୀଘ୍ର ଏନେଇ ରିପୋର୍ଟ କରନ୍ତୁ। ଆପଣ ଯେତେ ଶୀଘ୍ର ଅଭିଯୋଗ କରିବେ, ସେତେ ଶୀଘ୍ର ଟଙ୍କା ଫେରସ୍ତ ହେବାର ସମ୍ଭାବନା ରହିବ।
ଗୁଗଲ୍ ପେ’ ସହାୟତା ସହ ଯୋଗାଯୋଗ କରନ୍ତୁ:
– ସର୍ବପ୍ରଥମେ ଗୁଗଲ୍ ପେ’ ଆପ୍ ଖୋଲନ୍ତୁ। ଏହାପରେ ‘ସହାୟତା ଓ ପ୍ରତିକ୍ରିୟା’କୁ ଯାଆନ୍ତୁ।
– ଏହାପରେ ଆପଣଙ୍କୁ ‘ଫେରସ୍ତ’ କିମ୍ବା ‘ଭୁଲ ଦେୟ’ ଚୟନ କରିବାକୁ ପଡ଼ିବ।
– ନିଜ ପରିସ୍ଥିତି ବିଷୟରେ ସମ୍ପୂର୍ଣ୍ଣ ତଥ୍ୟ ଦିଅନ୍ତୁ ଏବଂ ଆବଶ୍ୟକ ସୂଚନା ପ୍ରଦାନ କରନ୍ତୁ।
ନିଜ ବ୍ୟାଙ୍କ ସହ ଯୋଗାଯୋଗ କରନ୍ତୁ:
ଯଦି ଆପଣ ଗୁଗଲ୍ ପେ’ ସହାୟତାରୁ କୌଣସି ସକରାତ୍ମକ ପ୍ରତିକ୍ରିୟା ପାଆନ୍ତି ନାହିଁ, ତେବେ ଆପଣଙ୍କ ବ୍ୟାଙ୍କ ସହିତ ଯୋଗାଯୋଗ କରିପାରିବେ ଏବଂ ବିବାଦୀୟ ନେଣଦେଣ ବିଷୟରେ ସେମାନଙ୍କୁ ଜଣାଇ ପାରିବେ। ଆପଣଙ୍କ ବ୍ୟାଙ୍କ ଚାର୍ଜବ୍ୟାକ୍ କରିବାକୁ ଚେଷ୍ଟା କରିପାରନ୍ତି, ଯାହାକି ଆପଣଙ୍କ ଆକାଉଣ୍ଟକୁ ଟଙ୍କା ଫେରସ୍ତ କରିବାର ପ୍ରକ୍ରିୟା।
ଏହି କଥା ପ୍ରତି ଧ୍ୟାନ ଦିଅନ୍ତୁ:
– ଗୁଗଲ୍ ପେ’ ସମସ୍ତ ତ୍ରୁଟିପୂର୍ଣ୍ଣ ନେଣଦେଣ ପାଇଁ ଟଙ୍କା ଫେରସ୍ତ ଗ୍ୟାରେଣ୍ଟି ଦିଏ ନାହିଁ।
– ଯଦି ଆପଣ ବାରମ୍ବାର ଭୁଲ୍ ପେମେଣ୍ଟ କରନ୍ତି, ତେବେ ଆପଣଙ୍କ ଗୁଗଲ୍ ପେ’ ଆକାଉଣ୍ଟରେ ପ୍ରତିବନ୍ଧକ ଲାଗିପାରେ।
– ନେଣଦେଣ ବାତିଲ କରିବାକୁ କିମ୍ବା ଫେରସ୍ତ ପାଇବାକୁ ଏକ ନିର୍ଦିଷ୍ଟ ସମୟ ସୀମା ଥାଇପାରେ।
– ପେମେଣ୍ଟ ପୂର୍ବରୁ ବ୍ୟବହାରକାରୀଙ୍କ ସବିଶେଷ ତଥ୍ୟ ଯାଞ୍ଚ କରନ୍ତୁ।
– ଯଦି ଆପଣ କୌଣସି ନୂଆ ବ୍ୟକ୍ତିଙ୍କୁ ଟଙ୍କା ପଠାଉଛନ୍ତି, ତେବେ ପ୍ରଥମେ ଅଳ୍ପ ପରିମାଣ ପଠାଇ ପରୀକ୍ଷା କରନ୍ତୁ।
