mission shakti banner

ଗୋରୁଗାଈଙ୍କ ଅଭୟାରଣ୍ୟ ପାଲଟିଛି ବନ୍ଦ ବିଦ୍ୟାଳୟ!

bjd gruha runa banner

ସାରନଗରୀ : ବିଗତ ୯ ବର୍ଷରୁ ଉର୍ଦ୍ଧ ହେବ ସାରନଗରୀ ସ୍ଥିତ ଓଡ଼ିଆ ମାଧ୍ୟମ ଇସ୍ପାତ ହାଇସ୍କୁଲ ବନ୍ଦ ହୋଇ ଯାଇଛି । ଉକ୍ତ ବିଦ୍ୟାଳୟର ଭିତର ଓ ବାହାର ପରିସର ଏବେ ଜରାଜିର୍ଣ୍ଣ ଅବସ୍ଥାରେ ରହିଛି । ବିଦ୍ୟାଳୟ ବାହାର ପରିସର ଘାସ ଲତାରେ ପୂର୍ଣ୍ଣ ହୋଇଯିବା ସ୍ପଷ୍ଟ ଭାବେ ଦୃଶ୍ୟମାନ ହେଉଛି । ଏଠାରେ ସକାଳ ଠାରୁ ଆରମ୍ଭ କରି ସଂଜ ନଇଁବା ଯାଏ ଗାଈ, ମଇଁଷି ଘାସ ଚରିବା ପାଇଁ ବିଚରଣ କରୁଛନ୍ତି ।
ଅପରପକ୍ଷରେ ଉକ୍ତ ବିଦ୍ୟାଳୟର ସମ୍ମୁଖ ଭାଗରେ ରହିଛି ଆରଏସପି କ୍ୱାର୍ଟର ।
ସାରନଗରୀ ତଥା ଆଖପାଖରେ ଥିବା ଖଟାଲ ମାଲିକ ମାନେ ସେମାନଙ୍କ ଗାଈ, ମଇଁଷି ମାନଙ୍କୁ ବିଦ୍ୟାଳୟ ପରିସରରେ ଘାସ ଚରିବା ପାଇଁ ନିର୍ଭୟରେ ଛାଡ଼ି ଦେଉଥିବା ଅଭିଯୋଗ ହୋଇଛି । ପ୍ରତିଦିନ ପ୍ରାୟ ୨୦ରୁ ଉର୍ଦ୍ଧ ଗାଈ, ମଇଁଷି ଏଠାରେ ଘାସ ଚରିବା ଦେଖିବାକୁ ମିଳୁଛି । ଅପରପକ୍ଷରେ ମଇଁଷି ମାନେ ଘାସ ଚରିବା ସହ ସମୟ ସମୟରେ ରାସ୍ତା ଓ ନିକଟସ୍ଥ ସୁପର ମାର୍କେଟ ଅଂଚଳକୁ ପଶି ଆସୁଛନ୍ତି । ଫଳରେ ଯାହାର ଦୁର୍ଦ୍ଦଶା ସ୍ଥାନୀୟ ଲୋକଙ୍କୁ ଭୋଗିବାକୁ ପଡୁଛି । କେତେକ ସ୍ଥଳେ ଗାଈ, ମଇଁଷି ମାନଙ୍କ ଆକ୍ରମଣର ଶୀକାର ସ୍ଥାନୀୟ ଲୋକ ମାନଙ୍କୁ ହେବାକୁ ପଡୁଛି । ଉକ୍ତ ବିଦ୍ୟାଳୟର ସମ୍ମୁଖ ଗେଟ ଖୋଲା ରହିବା କାରଣରୁ ଅନ୍ୟାନ ପଶୁମାନେ ଏହା ମଧ୍ୟକୁ ଅବାଧରେ ପ୍ରବେଶ କରୁଛନ୍ତି । ଏଣୁ ସ୍ଥାନୀୟ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି ।

Comments are closed.