ସମ୍ବଲପୁର : ଚଳିତ ବର୍ଷ ଦୁର୍ଗା ପୂଜାକୁ ଶାନ୍ତି ଶୃଙ୍ଖଳାର ସହ ପାଳ କରିବା ତଥା ଅପରାଧି ମୁକ୍ତ କରିବା ପାଇଁ ସମ୍ବଲପୁର ପୁଲିସ ପ୍ରଶାସନ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ଡକାୟତି ମାନଙ୍କୁ ଧରିବାପାଇଁ ସମ୍ବଲପୁର ଟାଉନ ଥାନା, ଅଇଁଠାପାଲି ଥାନା ଓ ଧନୁପାଲି ଥାନା ଏବଂ କ୍ଷେତରାଜପୁର ପୁଲିସ ପକ୍ଷରୁ ଏକ ସ୍ବତନ୍ତ୍ର ସ୍କ୍ବାର୍ଡ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇଥିଲା । ଏଥିରେ ୯ ଜଣ ଡକାୟତ ଓ ଜଣେ ଅପରାଧିକୁ ପୁଲିସ ଗିରଫ କରିଛି ।
ସେମାଙ୍କଠାରୁ ବହୁ ମାରଣାସ୍ତ୍ର ଜବତ କରାଯାଇଛି । ଧରାପଡିଥିବା ଡକାୟତମାନେ ହେଲେ ଶିବ ପ୍ରଧାନ, ଟିଙ୍କୁ ଗଣ୍ଡ, ମହମ୍ମଦ ଜୁମନ, ନିଖିଲ ମୁଣ୍ଡା , ମହାଦେବ ମୁଣ୍ଡା, ରଞ୍ଜନ ପାତ୍ର, ନିଶାନ୍ତ କୁମାର , ମହମ୍ମଦ ସମିର, ମହମ୍ମଦ କାଲୁ, ମହମ୍ମଦ ଚାନ୍ଦ । ଏମାନଙ୍କ ନାମରେ ବିଭିନ୍ନ ଥାନାରେ ବହୁ ଅପରାଧିକ ମାମଲା ରହିଛି । ସେମାନଙ୍କ ନିକଟରୁ ବନ୍ଧୁକ, ଲୁହା ଛଡ଼, ଛୁରୀ, ଲଙ୍କା ଗୁଣ୍ଡ, ମୋବାଇଲ ଫୋନ, ଚାପଡ ,ଗୋଟିଏ ପ୍ଲାଷ୍ଟିକ ଖେଳନା ବନ୍ଧୁକ ଏବଂ ଗୋଟିଏ ମୋଟର ସାଇକେଲ ପୁଲିସ ଜବତ କରିଛି । ଆଗାମୀ ଦିନରେ କିଛି ଦୁର୍ଦ୍ଦାନ୍ତ ଏବଂ ଅଭ୍ୟାସଗତ ଅପରାଧୀଙ୍କୁ ଧରିବା ପାଇଁ ପୁଲିସ ଅଭିଯାନ ଆରମ୍ଭ କରିଛି । ଏନଏସଏ ଆଇନ ଅନୁସାରେ ସେମାନଙ୍କୁ ଗିରଫ କରାଯିବ ।
Comments are closed.