ସମ୍ବଲପୁର: ସମ୍ବଲପୁର ରେଳ ଷ୍ଟେସନରୁ ଜଣେ ଯୁବକଙ୍କୁ ପୁଲିସ ଅବୈଧ୍ୟ ଗଞ୍ଜେଇ ସହିତ ଗିରଫ କରିଛି। ଜିଆରପି ପୁଲିସ ପକ୍ଷରୁ ପାଟ୍ରୋଲିଂ କରାଯାଉଥିବା ବେଳେ ବିହାର ରାଜ୍ୟର ରୋହତାସ ଜିଲାର ରୋହିତ କୁମାର ନାମକ (୨୦) ଜଣେ ଯୁବକ ସନ୍ଦିଗ୍ଧ ଅବସ୍ଥାରେ ବୁଲୁଥିବାର ପୁଲିସ ଦେଖିଥିଲା। ଏଣୁ ଉକ୍ତ ଯୁବକଙ୍କୁ ଧରି ପଚରାଉଚୁରା କରିବା ଏବଂ ସେ ଧରିଥିବା ବ୍ୟାଗକୁ ଯାଞ୍ଚ କରିବାରୁ ୧୦ କିଗ୍ରା ଗଞ୍ଜେଇ ଓ ନଗଦ ୨ ଶହ ଟଙ୍କା ମିଳିଥିଲା।
ପୁଲିସ ପଚରାଉଚୁରା ସମୟରେ ଅଭିଯୁକ୍ତ ଯୁବକ ଉକ୍ତ ଗଞ୍ଜେଇକୁ ଚାଲାଣ କରିବାର ଉଦ୍ୟମ କରିଥିବା ସ୍ୱୀକାର କରିଥିଲା। ଜବତ ହୋଇଥିବା ଅବୈଧ୍ୟ ଗଞ୍ଜେଇ ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଜିଆରପି ପକ୍ଷରୁ ସୂଚନା ଦିଆଯାଇଛି। ଏଣୁ ଜିଆରପି ପକ୍ଷରୁ ମାମଲା ସଂଖ୍ୟା ୩୦/୨୦୨୩ ରୁଜୁ କରି ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରିଛି।
Comments are closed.