ସମ୍ବଲପୁର: ସମ୍ବଲପୁରର ଦଲେଇପଡା ରିଂ ରୋଡ ଅଞ୍ଚଳରୁ ପୁଲିସ ପାଟ୍ରୋଲିଂ ସମୟରେ ନିଶା କଫ ସିରଫ ସହିତ ୪ ଜଣଙ୍କୁ ଗିରଫ କରିଛି। ପୁଲିସ ପେଟ୍ରୋଲିଂ ସମୟରେ ଖବର ପାଇ ପୁଲିସ ଚଢ଼ଉ ସମୟରେ ଦଲେଇପଡା ନିବାସୀ କାମେଶ ସାହା, ଏକଲାଖ ଖାନ, ସାହୁ କଲୋନୀ ନିବାସୀ ଶାନ୍ତନୁ ଦାସ ଓ ବୌଦ୍ଧ ଜିଲା ନିବାସୀ ପ୍ରଭାତ ମହାକୁଡ ଙ୍କୁ ଗିରଫ କରିଛି। ପୁଲିସ ସେମାନଙ୍କ ନିକଟରୁ ୧୦୮ ବୋତଲ ନିଶା କଫ ସିରଫ ଜବତ କରିଛି। ଏହି ନିଶା କଫ ସିରଫ ଗୁଡିକୁ ସେମାନେ ପ୍ରାୟ ୧ ବର୍ଷ ହେବ ରାଜ୍ୟ ବାହାରର ବିଭିନ୍ନ ସ୍ଥାନରୁ ଆଣି ବେଆଇନ ଭାବରେ ବ୍ୟବସାୟ କରୁଥିବାର ପୁଲିସ ନିକଟରେ ସ୍ୱିକାର କରିଛନ୍ତି। ଏଣୁ ପୁଲିସ ଅଭିଯୁକ୍ତ ମାନଙ୍କୁ ଗିରଫ କରି ଅଦାଲତକୁ ଚାଲାଣ କରିଛି।
Comments are closed.