ପାଟଣା: ପାଟଣା ବ୍ଲକ ଚିଲିଦା ଗ୍ରାମସ୍ଥ ଶ୍ରୀଶ୍ରୀ ଚନ୍ଦ୍ର ଚୂଡ଼ ମହାଦେବଙ୍କ ମକର ମେଳା ପଡିଆ ଠାରେ ଶ୍ରୀଜଗନ୍ନାଥ ନାଟ୍ୟ କଳା ପରିଷଦ ଚିଲିଦା ଦ୍ୱାରା ୪୦ବର୍ଷର ରଜ ମହୋତ୍ସବ ପାଳନ ଅବସରେ ନାଟ୍ୟକାର ଅଜିତ କୁମାର ମହାନ୍ତଙ୍କ ଦ୍ୱାରା ରଚିତ ନାଟକ କଳାମେଘ ମଞ୍ଚସ୍ଥ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନାଟ୍ୟକାର ଅଜିତ କୁମାର ମହାନ୍ତ ଯୋଗ ଦେଇ ମଞ୍ଚ ଶୁଭାରମ୍ଭ କରି ମଞ୍ଚ କଳାକାରଙ୍କ ମନୋବଳ ବଢ଼ାଇଥିଲେ। ଗତ ୧୯୮୨ ମସିହାରୁ କ୍ରମାଗତ ଭାବେ ଅନୁଷ୍ଠାନ ଦ୍ୱାରା ଗ୍ରାମାଞ୍ଚକ କଳାକାରମାନଙ୍କୁ ନେଇ ମଞ୍ଚ ନାଟକ ମଞ୍ଚସ୍ଥ ହୋଇ ଆସୁଛି। ନାଟକର ପ୍ରମୁଖ ଭୂମିକାରେ ନିରାକାର ହେମନ୍ତ, ରାଜେଶ, ଅହିରାଜ, ନିତ୍ୟାନନ୍ଦ, ପ୍ରକାଶ, କର୍ଣ୍ଣ, ଚୁମକି, ମାମିନା, ନମିତା ପ୍ରମୁଖ ଅଂଶ ଗ୍ରହଣ କରି ଦର୍ଶକଙ୍କ ମନୋରଞ୍ଜନ କରିଥିଲେ। ରଜ ମହୋତ୍ସବ ଅବସରରେ ଗ୍ରାମ୍ୟ କଳାକାର ମାନଙ୍କ ଯାତ୍ରା ପ୍ରଦର୍ଶନ ଦେଖିବାକୁ ଏଠାରେ ଲୋକମାନଙ୍କ ଭିଡ଼ ହୋଇଥିଲା।
Comments are closed.