ମୁମ୍ବାଇ : କେମିତି ବଲିଉଡ୍ ଅଭିନେତା ସୈଫ ଅଲ୍ଲୀ ଖାନ୍ ଉପରେ ହୋଇଥିଲା ଆକ୍ରମଣ। ଜାନୁଆରୀ ୧୬ ତାରିଖରେ ହୋଇଥିବା ଆକ୍ରମଣ ନେଇ ସୈଫ ଅଲ୍ଲୀ ଖାନ୍ ବାନ୍ଦ୍ରା ପୁଲିସ ନିକଟରେ ନିଜର ବୟାନ ଦେଇଛନ୍ତି। ସୈଫ କହିଛନ୍ତି, ସେ ଓ କରୀନା ନିଜ ଶୋଇବା କକ୍ଷରେ ଥିଲେ। ସେମାନେ ହଠାତ୍ ସହାୟକ ଏଲିଆମା ଫିଲିପ (ତାଙ୍କ ସାନପୁଅର ଯତ୍ନ ନିଅନ୍ତି)ଙ୍କ ଚିତ୍କାର ଶୁଣିଲେ। ପୁଅ ଜେହଙ୍କ ଶୋଇବା କକ୍ଷକୁ ଦୌଡି ଆସି ଆକ୍ରମଣକାରୀଙ୍କୁ ଦେଖିଲେ। ଜେହ କାନ୍ଦୁଥିଲେ, ସେହି ସମୟରେ ସୈଫ୍ ସେହି ଅଜଣା ବ୍ୟକ୍ତି (ଆକ୍ରମଣକାରୀ)ଙ୍କୁ ଅଟକାଇବାକୁ ଚେଷ୍ଟା କଲେ। ଏହାପରେ ଉଭୟଙ୍କ ମଧ୍ୟରେ ଧସ୍ତାଧସ୍ତି ସମୟରେ ଆକ୍ରମଣକାରୀ ସୈଫ୍ଙ୍କୁ ଛୁରି ଭୁସିଥିଲା। ସୈଫଙ୍କ ପିଠି, ବେକ ଏବଂ ହାତରେ ଅନେକ ଥର ଅଭିଯୁକ୍ତ ଆକ୍ରମଣ କରିଥିଲା ।
ଆଘାତ ସତ୍ତ୍ୱେ, ସୈଫ୍ ଆକ୍ରମଣକାରୀଙ୍କୁ ଘଉଡ଼ାଇ ଦେବାରେ ସଫଳ ହୋଇଥିଲେ, ଏବଂ ଘରର କର୍ମଚାରୀମାନେ ଶୀଘ୍ର ଜେହଙ୍କୁ ସୁରକ୍ଷିତ କରି ଘରେ ପ୍ରବେଶକାରୀଙ୍କୁ ବନ୍ଦ କରିଦେଇଥିଲେ। ୫୬ ବର୍ଷ ବୟସ୍କ ଫିଲିପ୍ ପରେ ସୈଫଙ୍କୁ ଜଣାଇଥିଲେ ଯେ ଅଭିନେତା ଆସିବା ପୂର୍ବରୁ ସେହି ବ୍ୟକ୍ତି ତାଙ୍କଠାରୁ ୧ କୋଟି ଟଙ୍କା ଦାବି କରିଥିଲେ।
ସୈଫଙ୍କୁ ତୁରନ୍ତ ଲୀଳାବତୀ ହସ୍ପିଟାଲକୁ ନିଆଯାଇଥିଲା। ତାଙ୍କର ଆଘାତ ପାଇଁ ଅସ୍ତ୍ରୋପଚାର କରାଯାଇଥିଲା ଏବଂ ଜାନୁଆରୀ ୨୧ରେ ତାଙ୍କୁ ଡିସଚାର୍ଜ କରାଯାଇଥିଲା।
ଆଉ ମାତ୍ର ଅଳ୍ପ ଦିନ; ସୂର୍ଯ୍ୟ-ଶନି ହେବେ ଏକାଠି, ଫେବୃଆରୀରେ ଦୁର୍ଲ୍ଲଭ ଯୋଗ ,ଏହି ୪ ରାଶି ହେବେ ଭାଗ୍ୟବାନ୍
