ନୂଆଦିଲ୍ଲୀ : ୧୯ ଜାନୁୟାରୀ ୨୦୨୫ରେ ଆମେରିକା ଟିକଟକ୍ ଉପରେ ଅସ୍ଥାୟୀ କଟକଣା ଲଗାଇଥିଲା । ଏହାପରେ ଆପକୁ ଆପଲ୍ ଆପ୍ ଷ୍ଟୋର ଓ ଗୁଗଲ ପ୍ଲେ ଷ୍ଟୋରରୁ ହଟାଇ ଦିଆଯାଇଛି । ତେବେ ଏକ କାର୍ଯ୍ୟକାରୀ ନିର୍ଦ୍ଦେଶ ଅନୁସାରେ କଟକଣାକୁ ରୋକିଦିଆଯାଇଛି । କିନ୍ତୁ ଉପଭୋକ୍ତା ଏବେ ଟିକଟକକୁ ପୁଣି ଥରେ ଡାଉନଲୋଡ୍ କରିପାରୁନାହିଁନ୍ତି ।
ଟିକଟକକୁ ଆକ୍ସେସ୍ କରିବା ପାଇଁ ଲୋକେ eBay ରେ ପୂର୍ବରୁ ଇନଷ୍ଟଲ୍ ହୋଇଥିବା ଆଇଫୋନ୍ କିଣୁଛନ୍ତି । eBay ରେ ଟିକଟକ୍ ଲୋଡେଡ୍ ଆଇଫୋନର ଚାହିଦା ତୀବ୍ର ଗତିରେ ବଢୁଛି । ଏପରିକି ଟିକଟକ୍ ଇନଷ୍ଟଲ୍ ହୋଇଥିବା ଆଇଫୋନ୍ ୧୫ ପ୍ରୋର ଦାମ୍ ଭାରତୀୟ ମୁଦ୍ରା ଅନୁସାରେ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ରହିଥିବା ଇବାଏରେ ନଜର ଆସୁଛି । ୟୁଜର୍ସ ଆପ୍ ଇନଷ୍ଟଲ୍ ହୋଇଥିବା ଯୋଗୁଁ ମହଙ୍ଗା ଦାମରେ ଆଇଫୋନ୍ କିଣୁଛନ୍ତି । ନୂଆ ୟୁଜର୍ସ ଟିକଟକକୁ ଡାଉନଲୋଡ୍ କରିପାରୁନାହାଁନ୍ତି । ଏଥିଯୋଗୁଁ ପ୍ରି-ଲୋଡେଡ୍ ଆଇଫୋନ୍ସର ଚାହିଦା ବଢୁଛି । କିନ୍ତୁ କ୍ରେତାଙ୍କୁ ଏଥିନେଇ ସତର୍କ ରହିବା ଉଚିତ୍ । ଏଥିରେ ଠକେଇ ଆଶଙ୍କା ରହିଛି ।
