ରାଉରକେଲା: ରାଉରକେଲା ସହରରେ ପଖାଳ ଦିବସ ପାଳିତ ହୋଇଯାଇଛି। ରାଉରକେଲା ସାଇନ୍ସ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଡ.ଗୀତାଞ୍ଜଳି ପତ୍ରୀ, ଲେଖକ ହୃଦାନନ୍ଦ ପଟେଲ, ବ୍ୟବସାୟୀ ଅମିତାଭ ସାମଲ ଏବଂ ଏନଏସଓ କାର୍ଯ୍ୟାଳୟର ନିର୍ଦ୍ଦେଶକ ମୁକେଶ ସାହୁ, କାବେରୀ ପେଣ୍ଟସର ନିର୍ଦେଶକ ଋଷଭ ଜୟେସ୍ୱାଲ ପ୍ରମୁଖ ଯୋଗ ଦେଇଥିଲେ।
ପଖାଳ ଦିବସ ଏକ ପାରମ୍ପାରିକ ଉତ୍ସବ, ଯେଉଁଥିରେ ଓଡ଼ିଶାର ସଂସ୍କୃତି ଓ ପରମ୍ପରା ପ୍ରତିଫଳିତ। ଓଡିଶାର ସମୃଦ୍ଧ ସଂସ୍କୃତି ଏବଂ ଐତିହ୍ୟ ବିଷୟରେ ସଚେତନତା ସୃଷ୍ଟି କରିବା ଏବଂ ଓଡିଆ ଖାଦ୍ୟକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି ଅବସରରେ ମାଛ ତରକାରୀ, ଚଟନୀ, ଏବଂ ଅନ୍ୟାନ ଖାଣ୍ଟି ଓଡ଼ିଆ ଖାଦ୍ୟ ସହ ପଖାଳ ପ୍ରଦର୍ଶିତ କରାଯାଇଥିଲା। ଅତିଥିମାନେ ଖାଦ୍ୟର ଅନନ୍ୟ ସ୍ୱାଦକୁ ପ୍ରଶଂସା କରିଥିଲେ ଏବଂ ପ୍ରାମାଣିକ ଓଡିଆ ଖାଦ୍ୟ ପ୍ରସ୍ତୁତ କରିବାରେ ଟିକ୍କୱେଙ୍କ ଉଦ୍ୟମକୁ ମଧ୍ୟ ପ୍ରଶଂସା କରିଥିଲେ।
Comments are closed.