ରେଙ୍ଗାଲି କ୍ୟାମ୍ପ : ବରଗଡ଼ ଜିଲା ଅତାବିରା ବ୍ଲକର ସଭା ଗୃହ ଠାରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଓ ଜାତୀୟ ପଞ୍ଚଦଶ ଅର୍ଥ ଆୟୋଗ କମିଶନ ସମ୍ବନ୍ଧୀୟ ଉପରେ ଏକ ଜନ ଶୁଣାଣି ଶିବିର ଅନୁଷ୍ଠିତ ହୋଇଥିଲା। ବ୍ଲକ୍ ଅଧ୍ୟକ୍ଷା ଗୀତାଞ୍ଜଳୀ ନାଏକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଉପ ଜିଲାପାଳ ପ୍ରସନ୍ନ କୁମାର ପାଣ୍ଡେ, ଗୋଷ୍ଠୀ ଉନ୍ନୟନ ଅଧିକାରୀ ରିପୁନଥ ସୁନା, ଅତିରିକ୍ତ ଗୋଷ୍ଠୀ ଅଧିକାରୀ ଗିରିନ୍ଦ୍ର ସାହୁ, ବ୍ଲକ୍ ପଞ୍ଚାୟତ ଅଧିକାରୀ, ଏଇଇ ମନସିବା ମହାପାତ୍ର ମଞ୍ଚାସିନ ରହିଥିଲେ। ଶିବିରରେ ୨୦୨୪ ଏମଜିଏନଆରଜିଏଓ ୨୦୨୦ରୁ ୨୦୨୪ ପର୍ଯ୍ୟନ୍ତ ପଞ୍ଚଦଶ ଅର୍ଥ ଆୟୋଗ କମିଶନ ଅନୁଦାନର ତ୍ରୁଟି ଓ ବିଚ୍ୟୁତିର ସମୀକ୍ଷା କରାଯାଇଥିଲା। ଉକ୍ତ ଯୋଜନା ମାଧ୍ୟମରେ ହୋଇଥିବା କାର୍ଯ୍ୟ ସମୂହର ସଫଳତା ଓ ରହିଯାଇଥିବା ତ୍ରୁଟି ଗୁଡିକ ଉପରେ ସମୀକ୍ଷା କରାଯାଇଥିଲା।
ଏହି ଜନ ଶୁଣାଣି କାର୍ଯ୍ୟକ୍ରମରେ ୨୪ଟି ପଞ୍ଚାୟତ ଶିବିରରେ ଶ୍ରମିକଙ୍କ ସମେତ ଜେଇ,୨୪ଟି ପଞ୍ଚାୟତର କେତେକ ଗ୍ରାମ୍ୟ ସମ୍ବଳ ବ୍ୟକ୍ତି, ପଞ୍ଚାୟତ ନିର୍ବାହୀ ଅଧିକାରୀ, ଗ୍ରାମ୍ୟ ପଞ୍ଚାୟତ ହିସାବ ରକ୍ଷକ, ଗ୍ରାମ ରୋଜଗାର ସେବକ, ନିର୍ବାଚିତ ପ୍ରତିନିଧି ପ୍ରମୁଖ ଯୋଗ ଦେଇଥିଲେ। ପରି ଶେଷରେ ଅତିରିକ୍ତ ଗୋଷ୍ଠୀ ଅଧିକାରୀ ଶ୍ରୀ ସାହୁ ଧନ୍ୟବାଦ୍ ଅର୍ପଣ କରିଥିଲେ।
ପ୍ରକାଶ ଥାଉ କି ଏହି ଯୋଜନାରେ ଜଣେ ବ୍ୟକ୍ତିକୁ ବର୍ଷକ ଅନ୍ୟୁନ ୧୦୦ ଦିନର କାମ ମିଳିପାରିବ। ଏହି ଯୋଜନାର ମୁଖ୍ୟ ଉଦ୍ଦେଶ୍ୟ ହେଉଛି ଯେ ଲୋକମାନଙ୍କୁ ବିଭିନ୍ନ ବିକାଶ ମୂଳକ ନିର୍ମାଣ କାର୍ଯ୍ୟରେ ୧୦୦ ଦିନ କାମ ଯୋଗାଇ ଦେବା ସହ ବେକାରୀ ସମସ୍ୟା ଦୂର କରିବା। ଏହି ଯୋଜନାର ସଫଳତା ସେଇ ଶ୍ରମିକମାନଙ୍କ ଶ୍ରମ ଉପରେ ନିର୍ଭର କରିଥାଏ।
Comments are closed.