ଭାରସାମ୍ୟ ହରାଇ ଓଲଟି ପଡ଼ିଲା ବାଇକ, ଚାଳକ ଗୁରୁତର

ରେଙ୍ଗାଲିକ୍ୟାମ୍ପ: ତାବିରା ଏନଏସି ସ୍ଥିତ ପୁରୁଣା ସିନେମା ହଲ୍ ସମ୍ମୁଖରେ ଆଜି ଏକ ବାଇକ୍ ଦୁର୍ଘଟଣା ଘଟି ଜଣେ ଗୁରୁତର ହୋଇଥିବା ସହ ଅନ୍ୟମାନେ ଆଘାତ ହୋଇଥିବା ଜଣାପଡିଛି। ବରପାଲି ବ୍ଲକ ଗୋପେଇପାଳିର ଅରୁଣ ଦୀପ (୩୨) ଓ ତାଙ୍କ ପତ୍ନୀ ତାରାବତୀ ଦୀପ(୨୮), ସାଢେ଼ ତିନି ବର୍ଷର ପୁଅ ଓ ୨ବର୍ଷର ଶିଶୁ କନ୍ୟାକୁ ନେଇ ଏକ ବାଇକରେ ସମ୍ବଲପୁର ଯାଇଥିଲେ। ସ୍ତ୍ରୀ ତାରାବତୀ ସେଠାରେ ଆଇବିପିଏସ କିରାଣୀ ପରୀକ୍ଷା ଦେଇଥିଲେ। ଫେରିବା ବାଟରେ ଅତାବିରା ପୁରୁଣା ସିନେମା ହଲ୍ ସମ୍ମୁଖରେ ୫୩ ନମ୍ୱର୍ ଜାତୀୟ ରାଜପଥ ଉପରେ ଭାରସାମ୍ୟ ହରାଇ ପଡିଯାଇଥିଲେ। ଫଳରେ ଅରୁଣ ଗୁରୁତର ଆଘାତ ହୋଇଥିଲେ । ଏହା ଦେଖି ସ୍ଥାନୀୟ ଅଞ୍ଚଳର ସରୋଜ ବନଛୋର, ସତ୍ୟବ୍ରତ ମେହେର, ଅବିନାଶ ପଟେଲ, ମନୋରଞ୍ଜନ ପୋଢ଼, ବଳରାମ ପାଣ୍ଡେ ପ୍ରମୁଖ ତାଙ୍କୁ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ। ସେଠାରେ ଚିକିତ୍ସା ପରେ ଅରୁଣଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ଡ଼ାକ୍ତରଖାନାକୁ ପଠାଇ ଦିଆଯାଇଛି।

kalyan agarbati

Comments are closed.