ରେଙ୍ଗାଲିକ୍ୟାମ୍ପ: ପବିତ୍ର ହୋଲି ପର୍ବରେ ସମସ୍ତେ ରଙ୍ଗ ଖେଳରେ ବ୍ୟସ୍ତ ଥିବା ବେଳେ କିଛି ଲୋକ ଏହି ସୁଯୋଗର ଫାଇଦା ନେବାରେ ବ୍ୟସ୍ତ ଥିଲେ। ହୋଲି ଯୋଗୁ ସମସ୍ତ ଦୋକାନ ବଜାର ବନ୍ଦ ରହିଥିଲା। କିନ୍ତୁ କିଛି ଲୋକ ବୁଲି ବୁଲି ବାଇକରେ ବେଆଇନ ଭାବରେ ମଦ ବିକ୍ରି କରୁଥିଲେ। ଯେଉଁଠି ଲୋକଙ୍କ ଭିଡ଼ ଦେଖୁଥିଲେ ସେଠାରେ ଲୋକଙ୍କୁ ମଦ ବିକ୍ରି କରୁଥିଲେ। ମଦ ବିକ୍ରି କରୁଥିବା ଅଭିଯୋଗରେ ଦୁଇ ଜଣ ମଦ ବିକାଳୀଙ୍କୁ ରେଙ୍ଗାଲି କ୍ୟାମ୍ପ ଛକରେ ଧରିଥିଲା।
ପୁଲିସ ସୂତ୍ରରୁ ଜଣାପଡ଼ିଛି ଯେ ବିହାରର ଔରଙ୍ଗାବାଦ ଜିଲା ଓବ୍ରା ଥାନା ଅନ୍ତର୍ଗତ ଆଲୋକ କୁମାର (୨୩) ଓ କାସମ୍ ଥାନା ଅନ୍ତର୍ଗତ ଅବାଧ କିଶୋର (୩୮) ଗୋଟିଏ ବାଇକରେ ବିଦେଶୀ ମଦ ଧରି ରେଙ୍ଗାଳିକେମ୍ପର ବିଭିନ୍ନ ସ୍ଥାନରେ ବିକ୍ରି କରୁଥିଲେ। ସେମାନଙ୍କୁ ଧରିବା ପାଇଁ ଅତାବିରା ଥାନା ଅଧିକାରୀ ଅନିଲ କୁମାର ପ୍ରଧାନଙ୍କ ନିର୍ଦେଶ ଦେଇଥିଲେ। ପୁଲିସ ଦଳ ତାଙ୍କୁ କୌଶଳ କ୍ରମେ ଧରିବାରେ ସଫଳ ହୋଇଥିଲେ। ଏହା ସହ ସେମାନଙ୍କ ପାଖରେ ଥିବା ୧୨୮ ବୋତଲ ବିଦେଶୀ ମଦ ସହ ବାଇକକୁ ଜବତ କରାଯାଇଛି। ସେମାନଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି।
Comments are closed.