ରେଙ୍ଗାଲି : ସମ୍ବଲପୁର ଜିଲ୍ଲା ରେଙ୍ଗାଲି ବ୍ଳକ୍ ସୀମାନ୍ତ ରେ ଥିବା ଧନକଉଡା ବ୍ଳକ୍ କିଲାସମା ପଞ୍ଚାୟତ ଅନ୍ତର୍ଗତ ଗୌଡପାଲି ଗ୍ରାମର ଚିନମାଲି ପ୍ରଧାନ ନାମ୍ନୀ ଜନୈକ ଗରିବ ମହିଲା କର୍କଟ ରୋଗରେ ପୀଡିତ ଅଛନ୍ତି। ଚିନମାଲିଙ୍କ ଚିକିତ୍ସା ପାଇଁ ଆଜି ଜିଲ୍ଲା ରେଡକ୍ରସ୍ ପକ୍ଷରୁ ଆର୍ଥିକ ସହାୟତା ପ୍ରଦାନ କରାଯାଇଛି। ସୂଚିତ ଯେ କର୍କଟ ରୋଗର ଚିକିତ୍ସା ପାଇଁ ଅର୍ଥ ବାଧକ ସାଜିଥିବାରୁ ଭାଗ୍ୟକୁ ଆଦରି ପଡି ରହିଥିଲେ। ସୂଚନା ପାଇ ରୋଗର ଚିକିତ୍ସା ନିମନ୍ତେ ସହାୟତା ପ୍ରଦାନ ସକାଶେ ରେଙ୍ଗାଲି ସ୍ୱାଧିନ ଏକତା ସଙ୍ଗଠନର ସହ-ସମ୍ପାଦକ ଦିବ୍ୟକିଶୋର ସରାଫ,ହରିଶ ଶାହା,ମନୋରଞ୍ଜନ ଥପା,ତପନ ବିଶ୍ୱାଲ ପ୍ରମୁଖ ଜିଲ୍ଲା ରେଡକ୍ରସ୍ ସୋସାଇଟୀ ସମ୍ପାଦକ ଜୟ ଜର୍ଜ, ସଂଯୋଜକ ପ୍ରମିଲା ବେହେରା ଏବଂ ରେଡକ୍ରସ୍ ସଭ୍ୟ ତଥା ସ୍ୱାଧିନ ଏକତା ସଙ୍ଗଠନର ସଭାପତି ରାଜୀବ ମିଶ୍ରଙ୍କ ଦୃଷ୍ଟି ଆକର୍ଷଣ କରିଥିଲେ। ସଙ୍ଗଠନ ପକ୍ଷରୁ ଆନୁସଙ୍ଗିକ କାଗଜାତ ଦାଖଲ କରାଗଲା ପରେ ଆଜି ଜିଲ୍ଲା ରେଡକ୍ରସ୍ ପାଣ୍ଠି ରୁ କର୍କଟ ପୀଡିତା ଚିନମାଲୀ ପ୍ରଧାନଙ୍କୁ ଚିକିତ୍ସା ପାଇଁ ୨୯ ହଜାର ଟଙ୍କାର ସହାୟତା ରାଶି ଚେକ୍ ଆକାରରେ ପ୍ରଦାନ କରାଯାଇଛି।
Comments are closed.