ଗୁରୁଡିଝାଟିଆ : ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ରାଷ୍ଟ୍ରିୟ ବାଲ ସୁରକ୍ଷା କାର୍ଯ୍ୟକ୍ରମ (ଆରବିଏସକେ) ସହାୟତାରେ ଗ୍ରହଣ ଖଣ୍ଡିଆ ଚିହ୍ନଟ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକ୍ଷକ ଡାକ୍ତର ଦିଲ୍ଲିପ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶିବିରରେ ୨୪ଜଣ ଶିଶୁଙ୍କ ଗ୍ରହଣ ଖଣ୍ଡିଆ ଚିହ୍ନଟ କରାଯିବା ସହ ଏ ସଂପର୍କରେ ସଚେତନତାର ବାର୍ତ୍ତା ପ୍ରଦାନ କରାଯାଇଥିଲା । ରାଷ୍ଟ୍ରିୟ ବାଲ ସୁରକ୍ଷା କାର୍ଯ୍ୟକ୍ରମ ଚିକିତ୍ସକ ଡାକ୍ତର ନିହାରିକା ଧଳ, ଡାକ୍ତର ଦୀପକ ରାଜ, ଡାକ୍ତର ମଧୁସ୍ମୀତା ପ୍ରଧାନ, ସାଗରିକା ରାୟ, ଭାଗ୍ୟଲକ୍ଷ୍ମୀ ଆଚାର୍ଯ୍ୟ ଓ ସ୍ଥିତିପ୍ରଜ୍ଞା ବରାଳ ପ୍ରମୁଖ କାର୍ଯ୍ୟକ୍ରମ ପରିଚଳନା କରିଥିଲେ । ଏହି କାର୍ଯ୍ୟକ୍ରମରେ ଚିକିତ୍ସାଳୟର ଶିଶୁ ବିଶେଷଜ୍ଞ ଡାକ୍ତର ସ୍ୱାଗତ ଦାସ ଶିଶୁମାନଙ୍କ ଗ୍ରହଣ ଖଣ୍ଡିଆ ଚିକିତ୍ସା ଓ ସେମାନଙ୍କ ମାନସିକ ସ୍ଥିତି ଏବଂ ଚିକିତ୍ସା ପ୍ରଣାଳୀ ସଂପର୍କରେ ବିସ୍ତୃତ ଭାବେ ଆଲୋକପାତ କରିଥିଲେ। ଅଶ୍ୱିନୀ ଚିକିତ୍ସାଳୟ ସ୍ମାଇଲ ଟ୍ରେନ ଅଧିକାରୀ ଦିପ୍ତିରଞ୍ଜନ ଏବଂ ତାଙ୍କ ସହଯୋଗୀ ଗ୍ରହଣ ଖଣ୍ଡିଆର ସହଜ ଓ ସଅଳ ଚିକିତ୍ସା ସଂପର୍କରେ ବୁଝାଇଥିଲେ । ସ୍ୱାସ୍ଥ୍ୟ ପରିଦର୍ଶକ ମହମ୍ମଦ ଆସଲାମ, ଚିଲିକା ସ୍ୱାଇଁ ପ୍ରମୁଖ ଉପସ୍ଥିତ ରହିଥିବା ବେଳେ ଡାକ୍ତର ଦେବୀ ପ୍ରସନ୍ନ ଗିରି ଶିବିର ସଂଯୋଜନା କରିବା ସହ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article