ବଡ଼ସାହି : ରେଭେନ୍ସା ବିଶ୍ୱବିଦ୍ୟାଳୟରେ ପାଠ ପଢୁଥିବା ଜଣେ ଛାତ୍ରଙ୍କ ଝୁଲନ୍ତା ମୃତଦେହ ବୁଧବାର ଉଦ୍ଧାର କରାଯାଇଛି। ଛାତ୍ର ଜଣଙ୍କ ମୟୁରଭଞ୍ଜ ଜିଲା ସୁହାଗପୁର ପଞ୍ଚାୟତ କଉଡିଖଣି ଗ୍ରାମର ରାମେଶ୍ୱର ହାଁସଦାଃ(୨୩)। ସୂଚନା ମୁତାବକ, ରାମେଶ୍ୱର ରେଭେନ୍ସା ବିଶ୍ୱବିଦ୍ୟାଳୟରେ ପାଠ ପଢୁଥିଲେ। ତେବେ ସେ ଘରକୁ ଆସିଥିବା ବେଳେ ମଙ୍ଗଳବାର ରାତିରେ ବାପା-ମା’ଙ୍କ ସହିତ ଖାଇସାରି ନିଜ କୋଠରୀରେ ଶୋଇଥିଲେ। ମାତ୍ର ବୁଧବାର ସକାଳେ କୋଠରୀ ଭିତରେ ତାଙ୍କର ମୃତଦେହ ଏକ ଦଉଡ଼ିରେ ଝୁଲୁଥିବା ଦେଖି ପରିବାର ଲୋକେ ପୁଲିସକୁ ଜଣାଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ପୂର୍ବକ ମୃତଦେହ ଉଦ୍ଧାର କରି ବ୍ୟବଛେଦ କରାଇଛି। ମୃତ୍ୟୁର କାରଣ ଜଣାପଡ଼ି ନଥିଲେ ହେଁ ମୃତକ ବ୍ୟବହାର କରୁଥିବା ମୋବାଇଲରୁ ସମସ୍ତ କଲ ଓ ହ୍ବାଟ୍ସଆପରୁ ସବିଶେଷ ବିବରଣୀ ଡ଼ିଲିଟ୍ ହୋଇଥିବା ସୂଚନା ମିଳିଛି।
Comments are closed.