ରତନ ଟାଟାଙ୍କୁ ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରାଯାଇଛି

ନୂଆଦିଲ୍ଲୀ- ଭାରତର ବରିଷ୍ଠ ଉଦ୍ୟୋଗପତି ରତନ ଟାଟାଙ୍କୁ ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରାଯାଇଛି । ତାଙ୍କୁ ଅର୍ଡର ଅଫ୍‌ ଅଷ୍ଟ୍ରେଲିଆ ସମ୍ମାନ(ଏଓ) ପ୍ରଦାନ କରାଯାଇଛି ।

ଭାରତ ସହ ଅଷ୍ଟ୍ରେଲିଆରେ ମଧ୍ୟ ତାଙ୍କର ବେଶ୍‌ ପ୍ରଭାବ ରହିଛି । ଭାରତରେ ଅଷ୍ଟ୍ରେଲିଆର ରାଷ୍ଟ୍ରଦୂତ ବ୍ୟାରି ଓ ଫ୍ୟାରେଲ୍‌ ଏହାର ଫଟୋ ନିଜ ଟ୍ୱିଟର ଆକାଉଣ୍ଟରେ ପୋଷ୍ଟ କରିଛନ୍ତି । ରତନ ଟାଟା ଭାରତ ଅଷ୍ଟ୍ରେଲିଆ ଅର୍ଥନୈତିକ ସହଭାଗିତା ଏବଂ ବ୍ୟାପାର ବୁଝାମଣାର ବଡ ସମର୍ଥକ । ୨୦୨୨ ଏହାକୁ ଅନ୍ତିମ ରୂପ ପ୍ରଦାନ କରାଯାଇଥିଲା । ଦ୍ୱିପାକ୍ଷିକ ସମ୍ପର୍କ ମଜବୁତ କରିବାରେ ସେ ଅନେକ ପଦକ୍ଷେପ ଗ୍ରହଣ କରିଛନ୍ତି ।

ଟିସିଏସ୍‌ ମଧ୍ୟ ୧୯୯୮ରୁ ଅଷ୍ଟ୍ରେଲିଆରେ କାର୍ଯ୍ୟକରୁଛି । ସେଠାରେ ୧୭୦୦୦ ଅଷ୍ଟ୍ରେଲିୟ ନିଯୁକ୍ତି ସୁଯୋଗ ପାଇଛନ୍ତି । ଅନେକ ଲୋକହିତକର ସଂଗଠନକୁ ଅଷ୍ଟ୍ରେଲିଆରେ ଟିସିଏସ୍‌ ସମ୍ପୂର୍ଣ୍ଣ ମାଗଣାରେ ସେବା ଯୋଗାଇ ଦେଉଛି ।