ଓଡ଼ିଶାକୁ ଇତିହାସରେ ସର୍ବାଧିକ ଅନୁଦାନ ଦେଇଛନ୍ତି ପ୍ରଧାନମନ୍ତ୍ରୀ-ଅଶ୍ବିନୀ ବୈଷ୍ଣବ

ନୂଆଦିଲ୍ଲୀ: ଓଡ଼ିଶାକୁ ରେଳ ବଜେଟ ଅନୁଦାନ ନେଇ ସାମ୍ବାଦିକ ସମ୍ମିଳନୀ ଜରିଆରେ ପ୍ରତିକ୍ରିୟା ରଖି ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି ଯେ ଓଡ଼ିଶାକୁ ଇତିହାସରେ ସର୍ବାଧିକ ଅନୁଦାନ ଦେଇଛନ୍ତି ପ୍ରଧାନମନ୍ତ୍ରୀ। ଚଳିତ ବର୍ଷ ୯୭୨୩କୋଟି ଦେଇଛନ୍ତି, ୟୁପିଏ ତୁଳନାରେ ୧୦ଗୁଣ। ୨୦୦୯ରୁ ୧୪ ପର୍ଯ୍ୟନ୍ତ ବାର୍ଷିକ ହାରାହାରି ୮୩୪କୋଟି ମିଳୁଥିଲା। ୨୦୧୪ରୁ ୧୯ ପର୍ଯ୍ୟନ୍ତ ହାରାହାରି ବାର୍ଷିକ ୪୧୨୬କୋଟି ଦେଲେ। ୨୦୧୯-୨୦ରେ ୪୫୬୮କୋଟି, ୨୦୨୦-୨୧ରେ ୫୨୯୬କୋଟି। ୨୦୨୧-୨୨ରେ ପ୍ରଥମେ ୫୯୨୧ ଓ ଏହାପରେ ୫୫୦କୋଟି ଦେଲେ। ୨୦୨୧-୨୨ରେ ମୋଟ ୬୪୭୧କୋଟି ଦିଆଯାଇଥିଲା। ରେଳ ବିକାଶ ପାଇଁ ପାଣ୍ଠିର ଅଭାବ ରହିବ ନାହିଁ ବୋଲି ରେଳମନ୍ତ୍ରୀ ପ୍ରକାଶ କରିଛନ୍ତି।

କଳାହାଣ୍ଡି ରେଳ ୱାଗନ ଫ୍ୟାକ୍ଟ୍ରି ସମ୍ପର୍କରେ ସୂଚନା ଦେଇ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି ଯେ ଏ ଯାଏ ୫୦% ଜମି ଅଧିଗ୍ରହଣ ହୋଇଛି, ରାଜ୍ୟ ଜମି ଦେଲେ କାର୍ଯ୍ୟ ଆରମ୍ଭ ହେବ। ‘ବନ୍ଦେ ଭାରତ’ ଯୋଜନାରେ ବି ଓଡ଼ିଶାରେ ରେଳ ଚାଲିବ। ସାରା ଦେଶ ପାଇଁ ଘୋଷଣା ହୋଇଛି, ଓଡ଼ିଶାରେ ବି ଏହା ଚାଲିବ।