ମୁମ୍ବଇ: ବାହୁବଳୀ ଷ୍ଟାର ପ୍ରଭାସ ଶୁକ୍ରବାର ୪୧ ବର୍ଷ ବୟସରେ ପାଦ ଥାପିଛନ୍ତି। ଏହି ଅବସରରେ ଦୀର୍ଘ ଦିନ ଧରି ଚର୍ଚ୍ଚାରେ ରହିଥିବା ତାଙ୍କ ଆଗାମୀ ଚଳଚ୍ଚିତ୍ର ‘ରାଧେଶ୍ୟାମ୍’ର ମୋଶନ୍ ପୋଷ୍ଟର ରିଲିଜ୍ ହୋଇଛି। ଦର୍ଶକମାନେ ଏହାକୁ ବେଶ୍ ପସନ୍ଦ ମଧ୍ୟ କରିଛନ୍ତି। ଉଭୟ ପ୍ରଯୋଜନା ସଂସ୍ଥା ୟୁଭି କ୍ରିଏସନ୍ସ ଓ ପ୍ରଭାସ ଏହି ଭିଡିଓକକୁ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି।
ଭିଡିଓରେ ପ୍ରଥମେ ଏକ ରହସ୍ୟମୟ ଜଙ୍ଗଲ ଦେଖିବାକୁ ମିଳୁଛି। ଏହାପରେ ଟ୍ରେନ୍ ଦୃଶ୍ୟମାନ ହେଉଛି। ସେହି ଟ୍ରେନ୍ ଭିତରେ ପ୍ରସିଦ୍ଧ ପ୍ରେମୀ ଯୁଗଳ ବିକ୍ରମାଦିତ୍ୟ ଓ ପ୍ରେରଣାଙ୍କ ଝଲକ ଦେଖିବାକୁ ମିଳୁଛି। ଯାହା ଏହି ଫିଲ୍ମର ମୋଶନ ଭିଡିଓକୁ ଅଧିକ ରୋମାଞ୍ଚକର କରିଦେଉଛି।
ସୂଚନାଯୋଗ୍ୟ, ‘ରାଧେଶ୍ୟାମ୍’ ୟୁରୋପର ଏକ ପ୍ରସିଦ୍ଧ ପ୍ରେମ କାହାଣୀକୁ ନେଇ ନିର୍ମାଣ କରାଯାଇଛି। ଯେଉଁଥିରେ ମୁଖ୍ୟ ଭୂମିକାରେ ପ୍ରଭାସ ଓ ପୂଜା ହେଗଡେଙ୍କୁ ଦେଖିବାକୁ ମିଳିବ। ଏହି ଫିଲ୍ମ ହିନ୍ଦୀ, ତେଲୁଗୁ, ତାମିଲ, ମାଲୟାଲମ ଓ କନ୍ନଡ ଭାଷାରେ ମୁକ୍ତିଲାଭ କରିବ।
Comments are closed.