ନୂଆପଡ଼ା : ମାଟ୍ରିକ ପରୀକ୍ଷା ଆରମ୍ଭରୁ ବିଭ୍ରାଟ ସୃଷ୍ଟି ହୋଇଛି । ପରୀକ୍ଷାର ପ୍ରଥମ ଦିନର ପ୍ରଶ୍ନପତ୍ର ଭାଇରାଲ ହୋଇଥିବା ଅଭିଯୋଗ ହୋଇଛି । ନୂଆପଡ଼ା ଓ ଢେଙ୍କାନାଳ ଜିଲାରେ ମୋବାଇଲରୁ ମୋବାଇଲ ଘୁରି ବୁଲୁଛି ଓଡ଼ିଆ ମାତୃଭାଷା ପ୍ରଶ୍ନପତ୍ର । ପରୀକ୍ଷା ଶେଷ ହେବାର କିଛି ସମୟ ପୂର୍ବରୁ ସୋଶିଆଲ ମିଡିଆ ପ୍ରଶ୍ନପତ୍ର ଭାଇରାଲ ହୋଇଛି । ଏହାକୁ ନେଇ ଛାତ୍ରଛାତ୍ରୀ ଓ ଅଭିଭାବକ ମଧ୍ୟରେ ଅସନ୍ତୋଷ ଓ ଆଶଙ୍କା ପ୍ରକାଶ ପାଇଛି । ତେବେ କ୍ଲାସରୁମ ମଧ୍ୟକୁ ମୋବାଇଲ ଫୋନ ନେବା ବନ୍ଦ କରାଯାଇଥିବା ବେଳେ କେଉଁ ପରିସ୍ଥିତିରେ ପ୍ରଶ୍ନପତ୍ର ଭାଇରାଲ ହେଲା ସେ ନେଇ ଏବେ ପ୍ରଶ୍ନ ଉଠିଛି ।
ଅନ୍ୟ ପକ୍ଷରେ ପ୍ରଶ୍ନପତ୍ର ଭାଇରାଲ ହେବା ଘଟଣାକୁ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର ଖଣ୍ଡନ କରିଛନ୍ତି । ଏହା ଗୁଜବ ବୋଲି ମନ୍ତ୍ରୀ କହିଛନ୍ତି । ଏହାକୁ ନେଇ ତଦନ୍ତ କରାଯିବ ଏବଂ କଡ଼ା ସୁରକ୍ଷା ବଳୟରେ ପ୍ରଶ୍ନପତ୍ରକୁ ରଖାଯାଇଛି ବୋଲି ମନ୍ତ୍ରୀ କହିଛନ୍ତି ।
