ଡେସ୍କ: ଭାରତୀୟ ଦୂତାବାସ ଦ୍ୱାରା ମାଳଦ୍ଵୀପରେ ଆୟୋଜିତ ଆନ୍ତର୍ଜାତୀୟ ଯୋଗ ଦିବସ କାର୍ଯ୍ୟକ୍ରମରେ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଏକ ଷ୍ଟାଡିୟମରେ ୧୫୦ରୁ ଅଧିକ ଲୋକ ଏହି କାର୍ଯ୍ୟକ୍ରମରେ ଯୋଗ ଦେଇ ଯୋଗ କରୁଥିବା ବେଳେ ଏଭଳି ଘଟିଛି।
ସୂଚନା ଅନୁଯାୟୀ, ଷ୍ଟାଡିୟମରେ ପ୍ରବେଶ କରି କିଛି ଲୋକ ଅଂଶଗ୍ରହଣକାରୀଙ୍କ ଉପରେ ଆକ୍ରମଣ କରିଥିଲେ ଏବଂ ଭଙ୍ଗାରୁଜା କରିଥିଲେ। ତେବେ ମାଳଦ୍ଵୀପ ପୁଲିସ ସେମାନଙ୍କୁ ନିୟନ୍ତ୍ରଣ କରିବା ପାଇଁ ପିପର ସ୍ପ୍ରେ ଏବଂ ଲୁହବୁହା ଗ୍ୟାସ ବ୍ୟବହାର କରିଥିଲା। ସେଠାକାର ପୁଲିସ ଅଧୀକ୍ଷକ ଫାଥମାଥ ନାଶୱା କହିଛନ୍ତି, ଏହି ଘଟଣାରେ ୬ ଜଣଙ୍କୁ ଅଟକ ରଖାଯାଇଛି।
- Advertisement -
ମାଲଦ୍ୱୀପ ରାଷ୍ଟ୍ରପତି ଇବ୍ରାହିମ ମହମ୍ମଦ ସୋଲିହ କହିଛନ୍ତି ଯେ ଏହି ଘଟଣାର ପୁଲିସ ତଦନ୍ତ ଆରମ୍ଭ କରିଛି। ରାଷ୍ଟ୍ରପତି ଟୁଇଟ୍ କରି କହିଛନ୍ତି, “ଆଜି ସକାଳେ ଗାଲୋଲୁ ଷ୍ଟାଡିୟମରେ ଘଟିଥିବା ଘଟଣାରେ ତଦନ୍ତ ଆରମ୍ଭ କରାଯାଇଛି। ଏହାକୁ ଗୁରୁତର ବିଷୟ ଭାବେ ଗ୍ରହଣ କରାଯାଇଛି ଏବଂ ଦୋଷୀମାନଙ୍କୁ ଆଇନ ଅନୁଯାୟୀ ଦଣ୍ଡ ଦିଆଯିବ।
