ବୌଦ୍ଧ: ସୋମବାର ବୌଦ୍ଧ ଜିଲା ବଘିଆପଡା ଅଞ୍ଚଳରେ ଏକ ବିଦ୍ୟୁତ ଖୁଣ୍ଟ ଉପୁଡି ପଡିବାରୁ ବିଦ୍ୟୁତ ଆଘାତରେ ୬ ଗୋଟି ଗୋରୁଙ୍କ ମୃତ୍ୟୁ ହୋଇଥିବା ଜଣାପଡିଛି। ମିଳିଥିବା ସୂଚନା ମୁତାବକ ବଘିଆପଡା ସ୍ଥିତ ପାଲଝାର ଫାର୍ମ ପରିସରରେ ଏରଡା ଗ୍ରାମର ସତ୍ୟ ପ୍ରିୟ ଭୋଇ, ଅର୍ଜୁନ ସାହୁ, ଜୟ ହାତୀ ଓ ଗଣେଶ ସାହୁ୍ଙ୍କ ଗୋରୁ ଚରାଉଥିବା ଥିବାବେଳେ ଉପର ଦେଇ ଯାଇଥିବା ୧୧ କେଭି ବିଦ୍ୟୁତ ଖୁଣ୍ଟ ଉପୁଡି ପଡିଥିଲା। ଫଳରେ ବିଦ୍ୟୁତ ସଂସ୍ପର୍ଶରେ ଆସି ୬ ଗୋଟି ଗୋରୁଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବାବେଳେ ଗୋଟିଏ ଗୋରୁ ଗୁରୁତର ଆହତ ହୋଇଥିବା ଜଣାପଡିଛି। ବିଦ୍ୟୁତ ଖୁଣ୍ଟ ପୋତା କାମ ମାତ୍ର କିଛି ମାସ ତଳେ ହୋଇଥିବବେଳେ ନିମ୍ନମାନର କାମ ଯୋଗୁଁ ଏହା ଉପୁଡି ପଡିଥିବା ଗୋରୁ ମାଲିକମାନେ ଅଭିଯୋଗ କରିଛନ୍ତି। ବର୍ତ୍ତମାନ ଚାଷ ସମୟ ହୋଇଥିବାରୁ ଗରିବ ଚାଷୀମାନଙ୍କ ବଳଦ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ହୋଇଯାଇଥିବାରୁ ସେମାନେ ଚାଷ କିପରି କରିବେ ସେ ନେଇ ଚିନ୍ତାରେ ପଡିଛନ୍ତି। ଏଣୁ ପ୍ରଶାସନ ପକ୍ଷରୁ ଏହାର ତଦନ୍ତ କରି ଗରୀବ ଚାଷୀମାନଙ୍କୁ କ୍ଷତିପୂରଣ ଯୋଗାଇ ଦେବାକୁ ଦାବୀ ହେଉଛି।
Comments are closed.