ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ବ୍ରିଟେନ ପ୍ରଧାନମନ୍ତ୍ରୀ ଋଷି ସନକଙ୍କ ସହିତ ଟେଲିଫୋନ ବାର୍ତ୍ତାଳପ କରିଛନ୍ତି । ବାର୍ତ୍ତାଳପ କାଳରେ ମୋଦୀ ସନକଙ୍କୁ ଅଭିନନ୍ଦନ ଜଣାଇଥିଲେ । ସେହିପରି ମୋଦୀଙ୍କ ଅଭିନନ୍ଦନ ପାଇଁ ସନକ ଧନ୍ୟବାଦ ଜଣାଇଥିଲେ । କଥାବାର୍ତ୍ତା କାଳରେ ଦୁଇ ନେତା ଦୁଇ ଦେଶ ମଧ୍ୟରେ ସମନ୍ବିତ ମୁକ୍ତ ବାଣିଜ୍ୟ ରାଜିନାମାକୁ କାର୍ଯ୍ୟକାରୀ କରିବା ଉପରେ ଗୁରୁତ୍ବାରୋପ କରିଥିଲେ । ଏହା ଆଗାମୀ ଦିନରେ ଦୁଇଦେଶ ମଧ୍ୟରେ ସୁରକ୍ଷା, ପ୍ରତିରକ୍ଷା ଓ ଅର୍ଥନୀତିରେ ଦ୍ବିପାକ୍ଷିକ ସମ୍ପର୍କ ବୃଦ୍ଧି କରାଯିବା ଉପରେ ସନକ ଗୁରୁତ୍ବ ଦେଇଛନ୍ତି। ଭାରତୀୟ ବଂଶୋଦ୍ଭବ ଋଷି ସନକ ମଙ୍ଗଳବାର ବ୍ରିଟେନର ପ୍ରଧାନମନ୍ତ୍ରୀ ଭାବେ ଦାୟିତ୍ବ ଗ୍ରହଣ କରିଥିଲେ। ଦାୟିତ୍ବ ଗ୍ରହଣ ପରେ ମୋଦୀଙ୍କ ସହିତ ତାଙ୍କର ଏହା ପ୍ରଥମ କଥାବାର୍ତ୍ତା ଥିଲା।
Comments are closed.