କନ୍ଧମାଳ: କନ୍ଧମାଳ ଜିଲ୍ଲା କୋଟଗଡ ବ୍ଳକ ଗୁମୁରୁମାହ ପଞ୍ଚାୟତର ମ୍ଲାଉଗୁଡା ଗାଁରେ ଅଭାବନୀୟ ଘଟଣା ଘଟିଛି। ରାସ୍ତା ପାଇଁ ଗର୍ଭବତୀଙ୍କର ଜୀବନ ଚାଲିଯାଇଛି। ରାସ୍ତା ନଥିବାରୁ ଗାଁକୁ ଆମ୍ବୁଲାନ୍ସ ଯାଇପାରିଲା ନାହିଁ। ପ୍ରଥମେ ଖଟିଆରେ ଗୋଟିଏ ହସ୍ପିଟାଲକୁ ନବୋ ପରେ ଅବସ୍ଥା ଗୁରୁତର ହେବାରୁ ଆଉ ଏକ ହସ୍ପିଟାଲକୁ ନେବାକୁ ପଡିଥିଲା। ଏଥିରେ ଗର୍ଭବତୀଙ୍କର ସ୍ବାସ୍ଥ୍ୟବସ୍ଥା ଆହୁରି ବିଗିଡି ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି। ସୂଚନା ଅନୁସାରେ ଶୁକ୍ରବାର ଗୁୁଗୁରମାହ ପଞ୍ଚାୟତର ମ୍ଲାଉଗୁଡା ଗାଁର ମେଚୁ ସୁକାମାଝୀଙ୍କ ସ୍ତ୍ରୀ ସୁମନ୍ତି ସୁକାମାଝିଙ୍କ ଗର୍ଭ ଯନ୍ତ୍ରଣା ହୋଇଥିଲା । ଗାଁକୁ ରାସ୍ତା ନଥିବାରୁ ଆମ୍ବୁଲାନ୍ସ ଆସିପାରିନଥିଲା । କିଛି ଉପାୟ ନପାଇ ପରିବାର ଲୋକେ ଆଶା ଦିଦିଙ୍କ ସହାୟତାରେ ତାଙ୍କୁ ଖଟିଆରେ ୫ କିଲୋମିଟର ଜଙ୍ଗଲିଆ ରାସ୍ତା ପାରି କରାଇଥିଲେ । ଦୀର୍ଘ ୫ କିଲୋମଟିର ଜଙ୍ଗଲି ରାସ୍ତା ପାର କରିବା ପରେ ଜୁଡାବାଲି ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ସେଠାରୁ ତାଙ୍କୁ ଆମ୍ବୁଲାନ୍ସରେ ବାଲିଗୁଡା ଉପଖଣ୍ଡକୁ ସ୍ଥାନାନ୍ତର କରାଯାଇଥିଲା । କିନ୍ତୁ ମହିଳା ଜଣକ ପ୍ରସବ ବେଦନା ସହିନପାରି ତୁମୁଡିବନ୍ଧ ନିକଟରେ ଆମ୍ବୁଲାନ୍ସ ଭିତରେ ଆଖି ବୁଜି ଦେଇଥିଲେ । ଏହାକୁ ନେଇ କୋଟଗଡ ଥାନାରେ ଏକ ମାମଲା ରୁଜ୍ଜୁ ହୋଇଛି।
Popular Categories
Previous article
Next article