ରେଙ୍ଗାଲି: ରେଙ୍ଗାଲି ବ୍ଳକରେ ହେବାକୁ ଯାଉଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରିଚାଳନା ପାଇଁ ନିୟୋଜିତ ହୋଇଥିବା ପ୍ରିଜାଇଡିଂ ଅଫିସର ଏବଂ ପୋଲିଂ ଅଫିସରମାନଙ୍କ ପାଇଁ ଆୟୋଜିତ ଦୁଇ ଦିନିଆଁ ତାଳିମ ଶିବିର ଆଜି ଉଦଯାପିତ ହୋଇଯାଇଛି। ରେଙ୍ଗାଲି ସ୍ଥିତ ସରକାରୀ ପଲିଟେକ୍ନିକ ଅନୁଷ୍ଠାନରେ ଗତକାଲି ଠାରୁ ଚାଲିଥିବା ଏହି ତାଳିମ ଶିବିରରେ ୨୦୪ ଜଣ ପ୍ରିଜାଇଡିଂ ଏବଂ ପୋଲିଂ ଅଧିକାରୀଙ୍କୁ ତାଲିମ ପ୍ରଦାନ କରାଯାଇଥିଲା। ନିର୍ବାଚନ ଗାଇଡ୍ ଲାଇନ୍ ଅନୁସାରେ କିପରି ବେଲେଟ୍ ପେପର୍ ଗଣତି କରାଯିବ, କିପରି ବେଳେଟ୍ ବକ୍ସ ସିଲ୍ କରାଯିବ। ଭୋଟ୍ ଗ୍ରହଣ ପ୍ରକ୍ରିୟା ଏବଂ ସ୍ୱଚ୍ଛତାର ସହ ଦାୟିତ୍ୱ ନିର୍ବାହ କରି ନିର୍ବାଚନ ପରିଚାଳନା ସମ୍ବନ୍ଧରେ ନିର୍ବାଚନରେ ନିୟୋଜିତ କର୍ମଚାରୀମାନଙ୍କୁ ତାଳିମ ଦିଆଯାଇଥିଲା। ବ୍ଳକ୍ ନିର୍ବାଚନ ଅଧିକାରୀ ଶଙ୍କର ପ୍ରସାଦ ସାହୁ, ତହସିଲଦାର ଦମୟନ୍ତି ସାହୁ, ଏକାଉଣ୍ଟଅଫିସର ଜ୍ୟୋତିରଞ୍ଜନ ଦାସ, ଅତିରିକ୍ତ ମତ୍ସ୍ୟ ସଂପ୍ରସାରଣ ଅଧିକାରି ଅଗସ୍ତି କୁମାର ଚୌଧୁରୀ ତାଳିମ ପ୍ରଦାନ କରିଥିଲେ।
Comments are closed.