୭ଟି ପ୍ରତିରକ୍ଷା କମ୍ପାନୀକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ :  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ୭ଟି ପ୍ରତିରକ୍ଷା କମ୍ପାନୀକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ସେହି କମ୍ପାନୀଗୁଡ଼ିକ ହେଉଛି ମ୍ୟୁନିସନ୍ସ ଇଣ୍ଡିଆ ଲିମିଟେଡ୍‍, ଆର୍ମଡ ଭେଇକିଲ୍‍ ନିଗମ ଲିମିଟେଡ୍‍, ଆଡଭାନ୍ସଡ୍‍ ଉଇପନ୍ସ ଆଣ୍ଡ୍‍ ଇକ୍ୱିପ୍‍ମେଣ୍ଟ ଇଣ୍ଡିଆ ଲିମିଟେଡ୍‍, ଟ୍ରୁପ୍‍ କମ୍ଫଟ୍ସ ଲିମିଟେଡ୍‍, ଯନ୍ତ୍ର ଇଣ୍ଡିଆ ଲିମିଟେଡ୍‍, ଇଣ୍ଡିଆ ଅପ୍‍ଟେଲ୍‍ ଲିମିଟେଡ୍‍ ଏବଂ ଗ୍ଲାଇଡର୍ସ ଇଣ୍ଡିଆ ଲିମିଟେଡ।
ଏହି ଅବସରରେ ପ୍ରଧାନମନ୍ତ୍ରୀ ଶ୍ରୀ ମୋଦି ଉଦବୋଧନ ଦେଇ କହିଛନ୍ତି ୪୧ଟି ଅର୍ଡିନାନ୍ସ ଫ୍ୟାକ୍ଟ୍ରିକୁ ୭ଟି କମ୍ପାନୀରେ ପରିବର୍ତ୍ତନ କରାଯାଇଛି, ଯାହା ଫଳରେ ଦେଶର ପ୍ରତିରକ୍ଷା ଏବଂ ଆତ୍ମନିର୍ଭରଶୀଳତା କ୍ଷେତ୍ରରେ ସେଗୁଡ଼ିକ ପ୍ରମୁଖ ଭୂମିକା ଗ୍ରହଣ କରିପାରିବ । ସେ କହିଛନ୍ତି ରାଷ୍ଟ୍ର ସୁରକ୍ଷା ଦିଗରେ ସରକାର ଏବଂ ଘରୋଇ କ୍ଷେତ୍ରଗୁଡ଼ିକ ହାତ ମିଳାଇଛନ୍ତି । ଏହା ଆଗାମୀ ଦିନରେ ଭାରତର ଅର୍ଥନୀତିକୁ ନୂଆ ଶିଖରକୁ ନେବ । ସେ କହିଛନ୍ତି ଭାରତର ପ୍ରତିରକ୍ଷା କ୍ଷେତ୍ର ସ୍ୱାଧୀନତା ପରେ ଅଧିକ ବିକଶିତ ହୋଇପାରିନଥିଲା । ଏହି ୭ଟି କମ୍ପାନୀ ଦେଶର ପ୍ରତିରକ୍ଷା କ୍ଷେତ୍ରକୁ ସୁଦୃଢ଼ କରିବା କ୍ଷେତ୍ରରେ ନିର୍ଣ୍ଣାୟକ ଭୂମିକା ଗ୍ରହଣ କରିବେ ବୋଲି ସେ କହିଛନ୍ତି ।