ଫୁଲବାଣୀ/ଦାରିଙ୍ଗବାଡ଼ି: କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବାଡ଼ାବାଙ୍ଗା ଠାରେ ରାସ୍ତା ନିର୍ମାଣ କରୁଥିବା ଏକଠିକା ସଂସ୍ଥାର ୭ଟି ଗାଡ଼ି ର ତେଲ ଟାଙ୍କି ତାଲା ଭାଙ୍ଗି କେହି ଦୁର୍ବୁତ୍ତ ପ୍ରାୟ ୪ଶହ ରୁ ଉର୍ଦ୍ଧ୍ବ ଲିଟର ଡିଜେଲ ଚୋରି ହୋଇଥିବା ନେଇ ଠିକା ସଂସ୍ଥା ତରଫରୁ ଲିଖିତ ଅଭିଯୋଗ ହୋଇଛି। ଦାରିଙ୍ଗବାଡ଼ି ପୋଲିସ ଏତଲା ଗ୍ରହଣ କରି ଘଟଣାର ତଦନ୍ତ ଆରମ୍ଭ କରିଛି। ସୂଚନା ମୁତାବକ ଦାରିଙ୍ଗବାଡ଼ି ବ୍ଲକ ସିକନବାଡ଼ି ଛକ ଠାରୁ ସିମନବାଡ଼ି ପର୍ଯ୍ୟନ୍ତ ପୂର୍ତ୍ତ ବିଭାଗ ପକ୍ଷରୁ ରାସ୍ତା ତାନସମ ନାମକ ଠିକା ସଂସ୍ଥା ତରଫରୁ ନିର୍ମାଣ କାର୍ଯ୍ୟ ଚାଲୁ ରହିଛି। ଠିକା ସଂସ୍ଥାର କ୍ୟାମ୍ପ ବାଡ଼ାବାଙ୍ଗା ଠାରେ ରହିଛି।
ଗତ ୩ତାରିଖ ବିଳମ୍ବିତ ରାତି ପ୍ରାୟ ୧ଘଣ୍ଟା ସମୟରେ କିଛି ଦୁର୍ବୁତ୍ତ ଏକ ଅଟୋ ରେ ଆସି ୩ଟି ଡମ୍ପର,ଗୋଟିଏ ପାଣି ଟାଙ୍କି,୨ଟି ଚେନ ମେସିନ ଓ ଗୋଟିଏ ଜେସିବିର ତେଲ ଟାଙ୍କି ଭାଙ୍ଗି ତେଲ ଚୋରି କରି ନେଇଛନ୍ତି। ଏନେଇ ଠିକା ସଂସ୍ଥାର କର୍ମଚାରୀ ଆଶିଷ ଖାଁ ଲିଖିତ ଅଭିଯୋଗ କରିଛନ୍ତି। ଠିକା ସଂସ୍ଥା କ୍ୟାମ୍ପକୁ ଲାଗି ରହିଥିବା
ସିସିଟିଭି ଫୁଟେଜ କୁ ଯାଞ୍ଚ କଲେ ଦୁର୍ବୁତ୍ତ ମାନଙ୍କୁ ପୋଲିସ ଧରିବାରେ ସଫଳ ହୋଇ ପାରିବେ ବୋଲି ସାଧାରଣରେ ପ୍ରକାଶ ପାଇଛି। ସୂଚନା ପ୍ରକାରେ କିଛି ଦିନ ପୂର୍ବରୁ ମଧ୍ୟ ଉକ୍ତ ଗ୍ରାମର ଜଣେ ବ୍ୟକ୍ତିଙ୍କ ଘର ସମ୍ମୁଖରୁ ଦୁର୍ବୁତ୍ତ ମାନେ ଗୋଟିଏ ବାଇକ ଚୋରି କରି ନେଇଛନ୍ତି। ତେଣୁ ପୁଲିସ ଏହି ଘଟଣା କୁ ଗୁରୁତର ସହ ଗ୍ରହଣ କରି ଦୁର୍ବୁତ୍ତ ମାନଙ୍କୁ ଧରିବା ପାଇଁ ଚେଷ୍ଟା ଆରମ୍ଭ କରିଥିବା ଥାନା ତରଫରୁ ସୂଚନା ମିଳିଛି।
Comments are closed.