ପୁତୁଡ଼ି ଜଳପ୍ରପାତ ନିକଟରୁ କଙ୍କାଳ ଉଦ୍ଧାର

ଫୁଲବାଣୀ :ଫୁଲବାଣୀ ସଦର ଥାନା ଅର୍ନ୍ତଗତ ପୁତୁଡ଼ି ଜଳପ୍ରପାତ ନିକଟସ୍ଥ ସାଲୁଙ୍କି ନଦୀ କୁଳରୁ ଜଣେ ଅଜଣା ଲୋକର କଙ୍କାଳ ଉଦ୍ଧାର କରାଯାଇଛି। ଉଦ୍ଧାର ହୋଇଥିବା କଙ୍କାଳଟି ଜଣେ ପୁରୁଷଙ୍କର ବୋଲି ଚିହ୍ନଟ ହୋଇଛି। ଜବତ କଙ୍କାଳ କାହାର ହୋଇଥାଇ ପାରେ ତାହା ଜାଣିବା ପାଇଁ ପୁଲିସ ପକ୍ଷରୁ କଙ୍କାଳକୁ ବ୍ରହ୍ମପୁର ଫରେନସିକ୍ ଲ୍ୟାବକୁ ପଠାଯାଇଛି। ବ୍ରହ୍ମପୁରରୁ କଙ୍କାଳ ସମ୍ପର୍କିତ ତଥ୍ୟର ରିପୋଟ ଆସିବା ପରେ ତଦନ୍ତ ଆଗକୁ ବଢିବ ବୋଲି ତଦନ୍ତ ଅଧିକାରୀ ସବିତା ବେହେରା ସୂଚନା ଦେଇଛନ୍ତି। ପୁଲସ ୨୦ା୨୩ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଛି।

ନିକଟସ୍ଥ ଗ୍ରାମବାସୀଙ୍କ ଠାରୁ ଖବର ପାଇ ସଦର ଥାନା ପୁଲିସ୍ ଘଟଣା ସ୍ଥଳରେ ପହଞ୍ଚି କଙ୍କାଳକୁ ଉଦ୍ଧାର ପରେ ଚିହ୍ନଟ ପାଇଁ ବ୍ରହ୍ମପୁରକୁ ପଠାଇଛି।