ପାତ୍ରପୁର: ଜରଡା ଥାନା ତୁରିବୁଡି ପଞ୍ଚାୟତ ବେଙ୍ଗେଇସାହି ଗ୍ରାମର ଜଣେ ନାବାଳିକା ବେକରେ ଚୁନି ବାନ୍ଧି ଆତ୍ମହତ୍ୟା କରିଥିବା ସୂଚନା ମିଳିଛି। ମୃତ ଯୁବତୀଜଣକ ବେଙ୍ଗେଇ ସାହି ଗ୍ରାମର ଜଟିଆ ଶବରଙ୍କ ଝିଅ ରଞ୍ଜିତା ଶବର(୧୬)। ରଞ୍ଜିତା ଜଟିଆଙ୍କ ପ୍ରଥମ ପତ୍ନୀଙ୍କ ଦ୍ୱିତୀୟ ଝିଅ ହୋଇଥିବା ବେଳେ ପୂର୍ବରୁ ତାଙ୍କ ମାଆଙ୍କ ମୃତ୍ୟୁ ଘଟିସାରିଛି । ଗତକାଲି ଗ୍ରାମରେ ଜଣେ ବ୍ୟକ୍ତିଙ୍କ ପୁଅର ଏକୋଇସିଆ ଭୋଜିରେ ନାଚବେଳେ ରଞ୍ଜିତା କୁଆଡେ ଏଥିରେ ସାମିଲ ଥିଲେ। ତେବେ ଭୋଜିରୁ ଫେରିବା ପରେ କୌଣସି କାରଣକୁ ନେଇ ରାତିରେ ଘର ଦୋଲାରେ ଚୁନି ବାନ୍ଧି ଆତ୍ମହତ୍ୟା ଉଦ୍ୟମ କରିଥିଲେ। ପରିବାର ଏହା ଜାଣିବା ପରେ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ପାତ୍ରପୁର ଗୋଷ୍ଠୀ ସ୍ୱାସ୍ଥକେନ୍ଦ୍ରକୁ ନେଇଥିଲେ। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଖବର ପାଇ ଡାକ୍ତରଖାନାରେ ପହଞ୍ଚି ମୃତଦେହ ଜବତ କରିବା ସହିତ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛି। ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।
Popular Categories
Previous article
Next article