ପାତ୍ରପୁର: ପାତ୍ରପୁର ବ୍ଲକ ସାମନ୍ତିଆପଲ୍ଲୀ ସ୍ଥିତ ଶ୍ରୀଭରତପତି ମହାବିଦ୍ୟାଳୟ ପଦାର୍ଥ ବିଜ୍ଞାନ ବିଭାଗ ତରଫରୁ “ଡିଟେଲ ଷ୍ଟଡି ଅଫ ମେଣ୍ଡେଲିଆନ ପ୍ରିନ୍ସିପଲ ଆଣ୍ଡ ଷ୍ଟ୍ରକଚର ଅଫ ଡିଏନଏ “ ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ବିଭାଗର ଦୁଇଜଣ ଛାତ୍ରୀ ଅନିଶା କୁମାରୀ ସାହୁ ଏବଂ ଶୁଭଶ୍ରୀ ଦାସ ଆଲୋଚନାରେ ଭାଗନେଇ ନିଜର ସନ୍ଦର୍ଭ ଉପସ୍ଥାପନା କରିଥିଲେ। ବିଭାଗୀୟ ମୁଖ୍ୟ ଡଃ.ଜୟପ୍ରକାଶ ପାଢ଼ୀ ଓ ଅଧ୍ୟାପିକା ନିରୂପମା କଣ୍ଡଗୌରୀ ଛାତ୍ରୀ ଦୁହିଁଙ୍କୁ ଗାଇଡ଼ କରିଥିଲେ । ଅବସରପ୍ରାପ୍ତ ପ୍ରାଧ୍ୟାପକ ଡଃ.ସୁଙ୍କୁରୁ ମାଝୀ ଆଲୋଚନାରେ ଅଂଶଗ୍ରହଣ କରିଥିଲେ । ମହାବିଦ୍ୟାଳୟର ଅଧ୍ୟକ୍ଷ ମାନସ ରଞ୍ଜନ ଆଚାର୍ଯ୍ୟ ଆଲୋଚନାଚକ୍ରରେ ଯୋଗଦେଇଥିବାବେଳେ ଉଦ୍ଭିଦ ବିଜ୍ଞାନ ବିଭାଗର ଅଧ୍ୟାପକ ତପନ କୁମାର ପ୍ରଧାନ ସହଯୋଗ କରିଥିଲେ। ଏହି ଅବସରରେ ପଦାର୍ଥ ବିଜ୍ଞାନ ବିଭାଗର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ।
Comments are closed.