ପାଟଣା: ଘଟଗାଁ ବ୍ଲକ୍ କଂଗ୍ରେସ୍ ସଭାପତି ପ୍ରଭାକର ନାୟକଙ୍କ ଅଧକ୍ଷତାରେ ଏକ ମିଶ୍ରଣ ପର୍ବ ରାଇବଣ ଠାରେ ଅନୁଷ୍ଠିତ ହୋଇଯାଇଛି। ସଭାରେ ସଭାପତି ଶ୍ରୀ ନାୟକ କର୍ମୀଙ୍କୁ ବର୍ତ୍ତମାନ ସମୟରେ ଛାତ୍ର ସମାଜ, ଯୁବକ ସମାଜ ଏବଂ ମହିଳା ସମାଜ ସମସ୍ତଙ୍କୁ ଏକଯୁଟ ହେବାକୁ ପଡିବ, ଏବେ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ କିପରି ମହିଳା ମାନଙ୍କ ଭୁମିକା ଅଗ୍ରଣୀ ହେବ ସେଥିପ୍ରତି କଂଗ୍ରେସ ତରଫରୁ ପ୍ରାଥମିକତା ଦିଆଯିବା ନେଇ ପରାମର୍ଶ ଦେଇଥିଲେ।
ମିଶ୍ରଣ ପର୍ବରେ ଅନ୍ୟ ମାନଙ୍କ ମଧ୍ୟରେ ବରିଷ୍ଠ କଂଗ୍ରେସ ନେତା ରାମଚନ୍ଦ୍ର ସାହୁ, ରୁଦ୍ର ନାରାୟଣ ସିଂ, ନରହରୀ ନାଏକ ନିଜ ନିଜର ବକ୍ତବ୍ୟ ପ୍ରଦାନ ସହ ନୂତନ କର୍ମୀମାନଙ୍କୁ ଦଳକୁ ସ୍ବାଗତ କରିଥିଲେ। ପ୍ରଭାକର ମହାନ୍ତ, ନବୀନ ନାୟକ, ଲମ୍ବୋଧର ନାଏକ, ଭୁଲାରାମ ନାୟକ, ଭାଟି ନାୟକ, ରୁକ୍ମଣୀ ନାୟକ, ସୁମିତ୍ରା ମହାପାତ୍ର, ଭାରତୀ ନାୟକ, ପ୍ରମିଳା ନାୟକ, ନିରୂପମା ମହାପାତ୍ର, ଟୁନୀ ନାୟକ, ସୁକାନ୍ତୀ ନାୟକ, ସୁମନା ନାୟକ, ରଞ୍ଜନ କୁମାର ପ୍ରଧାନ ଆଦି ପ୍ରମୂଖ ଅନ୍ୟ ରାଜନୈତିକ ଦଳ ଛାଡି କଂଗ୍ରେସରେ ଯୋଗଦେଲେ। ସମସ୍ତ ନୂତନ କର୍ମୀ ଦଳୀୟ ଅନୁଶାସନରେ ରହିବେ ବୋଲି ମତ ପ୍ରକାଶ କରିଥିଲେ।
Comments are closed.