ପାଟଣା: ସମବାୟ ସଂସ୍ଥାର କର୍ମଚାରୀମାନେ ଧର୍ମଘଟ କରିଥିବାରୁ ଧାନକିଣାକୁ ନେଇ ସମସ୍ୟା ଲାଗି ରାହିଛି। ଏହାକୁ ଦୂର କରିବା ପାଇଁ କେନ୍ଦୁଝର ଜିଲ୍ଲାପାଳ ବିକଳ୍ପ ରୂପେ ଚଳିତ ବର୍ଷ ନିୟନ୍ତ୍ରିତ ବଜାର କମିଟି ଓ କୃଷି ବିଭାଗକୁ ବିକଳ୍ପ ଭାବେ ଦାୟିତ୍ୱ ହସ୍ତାନ୍ତର କରିଛନ୍ତି। ପାଟଣା ବ୍ଲକ ମୂଖ୍ୟାଳୟରେ ଥିବା ମଣ୍ଡିକୁ ବୁଧବାର ଦିନ ଖୋଲାଯାଇଛି। ଏହି ଉଦଘାଟନ କାର୍ଯ୍ୟକ୍ରମରେ ପାଟଣା ବ୍ଲକ ଅଧ୍ୟକ୍ଷ ବିଶ୍ୱନାଥ ନାୟକ, ବିଡ଼ିଓ ଈଶ୍ୱର ଚନ୍ଦ୍ର ନାଏକ, କୃଷି ଅଧିକାରୀ ପରେଶ କୁମାର ଦାଶ, ଯୋଗାଣ ଅଧିକାରୀ ବିଦ୍ୟୁତଲତା ନାଏକଙ୍କ ସହ ଧାନ କିଣା ଦାୟିତ୍ଵରେ ଥିବା କୃଷି ଅଧିକାରୀ ଇନ୍ଦ୍ରଜିତ ପୁହାଣ ପ୍ରମୁଖ ଉପସ୍ଥିତିରେ ବ୍ଲକ ଅଧ୍ୟକ୍ଷ ଶ୍ରୀ ନାୟକ ଫିତା କାଟି ମଣ୍ଡିକୁ ଉଦଘାଟନ କରିଥିଲେ। ଧାନ ମଣ୍ଡିରେ ସୋମବାର ଶୁକ୍ରବାର ଓ ଶନିବାର ଦିନ ଧାନ କିଣାଯିବ ବୋଲି ପାଟଣା ଯୋଗାଣ ଅଧିକାରୀ ବିଦ୍ୟୁତଲତା ନାଏକ ସୂଚନା ଦେଇଥିଲେ। ମୋବାଇଲରେ ଆସିଥିବା ଟୋକନ ନମ୍ବର ଅନୁଯାଇ କ୍ରମିକ ଅନୁସାରେ ଧାନ କିଣା ଯିବ ବୋଲି ଚାଷୀ ମାନଙ୍କୁ ସୂଚନା ଦିଆଯାଇଛି।
Popular Categories
Previous article
Next article