ନୂଆଦିଲ୍ଲୀ : ପାକିସ୍ତାନ ଯୁଦ୍ଧ ବିମାନ ବୁଧବାର ଭାରତୀୟ ବାୟୁ ସୀମା ଉଲ୍ଲଙ୍ଘନ କରି ସୀମାନ୍ତରେ ବୋମା ପକାଇଛି। ଜବାବୀ କାର୍ଯ୍ୟାନୁଷ୍ଠାନରେ ପାକିସ୍ତାନର ଏକ ଏଫ-୧୬ ଯୁଦ୍ଧ ବିମାନ ଧ୍ୱଂସ ହୋଇଯାଇଛି। ତେବେ ଏହି ସମୟରେ ଭାରତର ଏକ ମିଗ୍-୨୧ ଯୁଦ୍ଧ ବିମାନ ନଷ୍ଟ ହୋଇଛି। ଭାରତର ଜଣେ ପାଇଲଟକୁ ପାକିସ୍ତାନ ଧରିଥିବା ଦାବି କରିଛି। ଏପଟେ ଭାରତ ସରକାର ଜଣେ ପାଇଲଟ ନିଖୋଜ ଥିବା ସ୍ୱୀକାର କରିଛନ୍ତି। ଏହାର ତଦନ୍ତ ଜାରି ରହିଛି। ତେବେ ଅନ୍ତର୍ଜାତୀୟ ନିୟମ ଅନୁସାରେ ପାକିସ୍ତାନ ଧରିଥିବା ଭାରତୀୟ ପାଇଲଟର କିଛି ବି କରିପାରିବ ନାହିଁ। କାରଣ ଯୁଦ୍ଧବନ୍ଦୀଙ୍କ ପାଇଁ ସ୍ୱତନ୍ତ୍ର ନିୟମ ରହିଛି। ଅନ୍ତର୍ଜାତୀୟ ଜେନେଭା ଚୁକ୍ତିରେ ଯୁଦ୍ଧବନ୍ଦୀଙ୍କ ପାଇଁ ଏହି ସ୍ୱତନ୍ତ୍ର ନିୟମ ପ୍ରସ୍ତୁତ କରାଯାଇଥିଲା। ଏହି ନିୟମ ଅନୁୁସାରେ ଯୁଦ୍ଧବନ୍ଦୀଙ୍କୁ ଡରାଇବା, ଧମକାଇବା କିମ୍ବା ଅପମାନ କରାଯାଇପାରିବ ନାହିଁ। ଯୁଦ୍ଧ ସରିବା ପରେ ଯୁଦ୍ଧବନ୍ଦୀଙ୍କ ଉପରେ ମାମଲା ଚାଲିବ କିମ୍ବା ସେମାନଙ୍କୁ ଫେରାଇ ଦିଆଯିବ। ଧରାପଡ଼ିବା ପରେ ଯୁଦ୍ଧବନ୍ଦୀଙ୍କୁ କେବଳ ନିଜ ନାମ, ସୈନ୍ୟ ପଦ ଏବଂ ନମ୍ବର କହିବାର ପ୍ରାବଧାନ ରହିଛି। ୧୯୪୯ ଦ୍ୱିତୀୟ ବିଶ୍ୱଯୁଦ୍ଧ ପରେ ଜେନେଭା ଚୁକ୍ତି ହୋଇଥିଲା।
Popular Categories
Previous article
Next article