ନୂଆଦିଲ୍ଲୀ: ପ୍ରଧାନମନ୍ତ୍ରୀ ‘ଖେଲୋ ଇଣ୍ଡିଆ’ ଆପ୍ର ଶୁଭାରମ୍ଭ କରିଛନ୍ତି। ଦେଶରେ କ୍ରୀଡ଼ା ସମ୍ବନ୍ଧରେ ଏହି ଆପ୍ ସମସ୍ତ ତଥ୍ୟ ଯୋଗାଇବ। ନୂଆଦିଲ୍ଲୀରେ ବୁଢାବାରଦିନ ଜାତୀୟ ଯୁବ ସଂସଦ ଉତ୍ସବ-୨୦୧୯ ପୁରସ୍କାର ପ୍ରଦାନ କରିବା ଅବସରରେ ଏହି ଆପ ଉନ୍ମୋଚିତ ହୋଇଛି। ଭାରତୀୟ କ୍ରୀଡା ପ୍ରାଧିକରଣ ଦ୍ୱାରା ପ୍ରସ୍ତୁତ ହୋଇଥିବା ଖେଲୋ ଇଣ୍ଡିଆ ଆପ ମାଧ୍ୟମରେ ଖେଳ ଏବଂ ଫିଟନେସ ସମ୍ପର୍କରେ ସଚେତନତା ସୃଷ୍ଟି କରାଯିବ। ସାରା ଦେଶରେ କ୍ରୀଡାର ବିକାଶ ସହ ବିଶ୍ୱସ୍ତରୀୟ କ୍ରୀଡ଼ାବିତ ସୃଷ୍ଟି କରିବା ଲକ୍ଷ ଏହି ଆପ ଦ୍ୱାରା ପୂରଣ କରାଯାଇପାରିବ ବୋଲି ପ୍ରଧାନମନ୍ତ୍ରୀ କହିଛନ୍ତି। ହିନ୍ଦୀ ଏବଂ ଇଂରାଜୀରେ ଆରମ୍ଭ କରାଯାଇଥିବା ଏହି ଆପର ତିନୋଟି ବିଶେଷତ୍ୱ ରହିଛି ଯାହାର ପ୍ରଥମ ଭାଗରେ ୧୮ଟି କ୍ରୀଡା ଶୃଙ୍ଖଳାର ନିୟମ ରହିଥିବା ବେଳେ ଦ୍ଵିତୀୟ ଭାଗରେ ଦେଶରେ ଥିବା ଖେଳ ସୁବିଧା ସମ୍ପର୍କରେ ବର୍ଣନା କରାଯାଇଛି। ତୃତୀୟ ଭାଗରେ ୮ଟି ଟେଷ୍ଟ ରହିଛି ଯାହା ଦ୍ୱାରା ଫିଟନେସ ସ୍ଥର ଜାଣିହେବ। ଏହି ଉତ୍ସବରେ ଉପସ୍ଥିତ ଥିବା ଯୁବ ଓ କ୍ରୀଡ଼ା ବ୍ୟାପାର ମନ୍ତ୍ରୀ ରାଜ୍ୟବର୍ଦ୍ଧନ ରାଠୋଡ୍ କହିଛନ୍ତି, ସରକାର ଭାରତୀୟ କ୍ରିଡ଼ାବିତ୍ମାନଙ୍କ ଦକ୍ଷତାକୁ ଉଜ୍ଜୀବିତ କରି ସେମାନଙ୍କୁ ଆନ୍ତର୍ଜାତିକ କ୍ରୀଡ଼ା କାର୍ଯ୍ୟକ୍ରମ ପାଇଁ ଯୋଗ ବିବେଚିତ କରିଛନ୍ତି।
Popular Categories
Previous article
Next article