ବୌଦ୍ଧ: ସ୍ୱେଛାସେବୀ ଅନୁଷ୍ଠାନ ସୁରଭି ବାଉଁଶୁଣୀ ଦ୍ୱାରା ନାବାର୍ଡ ଭୁବନେଶ୍ୱରଙ୍କ ସହାୟତାରେ ବାଉଁଶୁଣୀଠାରେ ତୃଣମୂଳସ୍ତରୀୟ ତାଲିମ ଶିବିର ଅନୁଷ୍ଠିତ ହୋଇଯାଇଛି। ସ୍ଥାନୀୟ ଭାରତୀୟ ଷ୍ଟେଟବ୍ୟାଙ୍କ ଶାଖା ପରିଚାଳକ ଦୀପକ କୁମାର ସେଠୀ ମୁଖ୍ୟଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିବା ସହିତ ମହିଳା ଉଦ୍ୟାଗିମାନେ କିପରି ସ୍ୱାବଲମ୍ବି ହୋଇପାରିବେ ତା ସହିତ ଋଣ ପରିଶୋଧରେ କଣ ସବୁ ଦୃଷ୍ଟି ଦେବାକୁ ପଡ଼ିବ ସେ ସମ୍ପର୍କରେ ଆଲୋଚନା କରିଥିଲେ। ଆରସେଟି ତାଲିମଦାତା ଜନାର୍ଦ୍ଦନ ସାହୁ ବିଭିନ୍ନ ଉଦ୍ୟୋଗ ବିଷୟରେ ଆଲୋଚନା କରିବା ସହିତ ଛତୁ ଚାଷକୁ କିପରି ସଫଳତାର ସହିତ ଏକ ଉଦ୍ୟୋଗ କରାଯାଇପାରିବ ସେ ସମ୍ପର୍କରେ ଆଲୋଚନା କରିଥିଲେ। ସୁରଭି ନିର୍ଦ୍ଦେଶକ ଦାମୋଦର ସାହୁ ସମ୍ମାନିତ ଅତିଥି ଭାବରେ ଯୋଗଦେଇ ସରକାରଙ୍କ ବିଭିନ୍ନ ଯୋଜନା ବାଦରେ ଆଲୋଚନା କରିବା ସହିତ ମହିଳା ଉଦ୍ୟୋଗୀମାନେ କିପରି ସଫଳତା ପାଇପାରିବେ ସେ ବିଷୟରେ ଆଲୋଚନା କରିଥିଲେ। କାର୍ଯ୍ୟକ୍ରମକୁ ଜ୍ୟୋତି ସିଂହ ପରିଚାଳନା କରିଥିବାବେଳେ ରଞ୍ଜିତା ସେଠୀ, ପ୍ରମୋଦ ମଲ୍ଲିକ, ସୁଷମା ମେହେର ପ୍ରମୁଖ ସହଯୋଗ କରିଥିଲେ। ଏହି ଅବସରରେ ତପନ କୁମାର ମେହେର ସେ କିପରି ସଫଳ ଉଦ୍ୟୋଗୀ ହୋଇପାରିଛନ୍ତି ତାଙ୍କର ଅନୁଭୁତି ପ୍ରକାଶ କରିଥିଲେ। ବାଉଁଶୁଣୀ, ଗୋଛାପଡ଼ା, ମନୁପାଲି ଗ୍ରାମପଞ୍ଚାୟତର ମହିଳା ସ୍ୱୟଂସହାୟିକା ଗୋଷ୍ଠୀର ମହିଳାମାନେ କାର୍ଯ୍ୟକ୍ରମରେ ଯୋଗଦେଇ ଥିଲେ।
Popular Categories
Previous article
Next article