ଡେସ୍କ: କଟକ ଜିଲ୍ଲା ମାହାଙ୍ଗା ଅଞ୍ଚଳରେ ଗତକାଲି ଓ ଆଜି କୁଆପଥର ବର୍ଷା ହୋଇଛି। ବିଭିନ୍ନ ସମୟରେ ଏଭଳି କୁଆପଥର ବର୍ଷା ହେବା କିଛି ଅସାମାନ୍ୟ ନୁହେଁ। କିନ୍ତୁ କୁଆପଥର ଆକାର ଦେଖିଲେ ଯେ କେହି ବି ଭୟ କରିବ। ଆପଣାମାନେ ଫଟୋରେ ଦେଖି ପାରୁଥିବେ ଯୁବକ ଜଣଙ୍କ ହାତରେ ଧରିଥିବା କୁଆପଥର ଖଣ୍ଡ।
ଏହି କରକାପାତରେ ଅନେକ ଜଣ ଆହତ ହୋଇଥିବା ବେଳେ କେତେକ ଗାଡିର କାଚ ମଧ୍ୟ ଭାଙ୍ଗିଥିବା ଖବର ମିଳିଛି। ମାହାଙ୍ଗା କୋଠପଦାର ଗ୍ରାମବାସୀ କବି ନାରାୟଣ ମୁଦୁଲି କହିଛନ୍ତି ଯେ ସେ ଏଭଳି କରକାପାତ ଜୀବନରେ ପ୍ରଥମ ଥର ପାଇଁ ଦେଖିଲେ। ବଡ ବଡ ଆକାରର କୁଆପଥର ମାଡ଼ରେ କଦଳୀ ଓ ପିଜୁଳିଗଛ ଗୁଡିକରୁ କଦଳୀ କାନ୍ଧି ଓ ପିଜୁଳି ସବୁ ଝଡି ପଡିଥିବା ସେ କହିଛନ୍ତି।
