ଭବାନୀପାଟଣା: ଭକ୍ତଙ୍କ ପ୍ରବଳ ଉତ୍ସାହ ଉଦ୍ଦୀପନା ମଧ୍ୟରେ ଭବାନୀପାଟଣାରେ ବାହୁଡ଼ା ଯାତ୍ରା ସମ୍ପନ୍ନ ହୋଇଛି। ମାଉସୀ ମା ମନ୍ଦିରରୁ ଅପରାହ୍ନ ପ୍ରାୟ ୪.୩୦ ମିନିଟ ସମୟରେ ଗୋଟି ପହଣ୍ଡିରେ ତିନି ଠାକୁରଙ୍କୁ ରଥାରୁଢ କରାଯାଇଥିଲା। ଛେରା ପହଁରା ପରେ ରଥ ଟଣା ହେଇଥିଲା। ଏହି ଅବସରରେ ପ୍ରଶାସନିକ ଅଧିକାରୀ, ଦେବୋତ୍ତର ବିଭାଗ ଅଧିକାରୀ ଏବଂ ପୋଲିସ ପ୍ରଶାସନ ଉପସ୍ଥିତ ରହି ବ୍ୟବସ୍ଥିତ ଭାବେ ସମସ୍ତ କାର୍ଯ୍ୟ ସମ୍ପନ୍ନ କରାଇଥିଲେ।
ସେହିଭଳି ଆଜି ସ୍ଥାନୀୟ ବାଲାଜୀ ମନ୍ଦିର ରଥଯାତ୍ରା ଭକ୍ତିମୟ ପରିବେଶରେ ସମ୍ପନ୍ନ ହେଇଥିଲା। ସ୍ଥାନୀୟ ଜେଲଖାନା ଛକ ନିକଟ ମାଉସୀ ମାଁ ମନ୍ଦିରରୁ ବାଲାଜୀ ମନ୍ଦିର ଯାଏଁ ରଥ ଟଣା ଯାଇଥିଲା। ଇରିଗେଶନ କଲୋନୀର ତ୍ରିନାଥ ମନ୍ଦିର ପରିସରରେ ଥିବା ମାଉସୀ ମନ୍ଦିରରୁ ଇରିଗେଶନ କଲୋନୀ ଛକରେ ଥିବା ଜଗନ୍ନାଥ ମନ୍ଦିରକୁ ତିନି ଠାକୁର ବାହୁଡ଼ି ଯାଇଥିଲେ। ପୁରୁଣା ପଡ଼ା, ମଦନମୋହନ ମନ୍ଦିର ପଡ଼ାରେ ମଧ୍ୟ ମହାସମାରୋହରେ ବାହୁଡ଼ା ଯାତ୍ରା ପାଳିତ ହେଇଥିଲା।
Comments are closed.