ଆଠଗଡ: କଟକ ଜିଲ୍ଲା ଅବକାରୀ ଅଧିକ୍ଷକ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶ କ୍ରମେ ଆଠଗଡ ଥାନା ଅନ୍ତର୍ଗତ କୋରଙ୍ଗାରେ ଶନିବାର ଏକ ମିଳିତ ଅବକାରୀ ଚଢାଉ କରାଯାଇଛି । ଉପଅଧିକ୍ଷକ ଅରୂପା ପାଣିଗ୍ରାହୀଙ୍କ ନେତୃତ୍ବରେ ଏହି ଚଢାଉ ବେଳେ କୋରଙ୍ଗାର ଝାଟି ଜଙ୍ଗଲ, ଚାଷ ଜମି ଓ ଅନ୍ୟ ସ୍ଥାନରେ ଚାଲିଥିବା ଏକାଧିକ ବେଆଇନ ମଦଭାଟିରୁ ୬୬୫ ଲିଟର ସଦ୍ୟ ପ୍ରସ୍ତୁତ ମଦ ଓ ମଦ ପ୍ରସ୍ତୁତି ପାଇଁ ଗଚ୍ଛିତ ୫୫୬୫ ଲିଟର ଗୁଡପୋଚ ଜବତ କରାଯାଇ ଘଟଣାସ୍ଥଳରେ ନଷ୍ଟ କରାଯାଇଥିଲା । ଏ ସମ୍ପର୍କିତ ୨ଟି ମାମଲା ରୁଜୁ କରାଯାଇଛି । ଆଠଗଡ ଅବକାରୀ ନିରୀକ୍ଷକ ରବିନାରାୟଣ ପ୍ରଧାନ, ଉପନିରୀକ୍ଷକ ଅରୁଣ କୁମାର ଭୋଇ, ବାଙ୍କୀ ଉପନିରୀକ୍ଷକ ସୌମ୍ୟରଞ୍ଜନ ମାଝି, କଟକ ଅବକାରୀ ଉପନିରୀକ୍ଷକ ଅଜିତ ପାତ୍ର ଓ ନରସିଂହପୁର ଉପନିରୀକ୍ଷକ ସନ୍ଧ୍ୟାରାଣୀ ଦାସଙ୍କ ସମେତ ବହୁ ଅବକାରୀ କର୍ମଚାରୀ ଏହି ଚଢାଉରେ ଅଂଶଗ୍ରହଣ କରିଥିଲେ।
Popular Categories
Previous article
Next article