ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ଅଗ୍ରସେନ ଭବନ ସମିତି ପକ୍ଷରୁ ୩୯ ତମ ଅଗ୍ରସେନ ଜୟନ୍ତୀ, ଅଗ୍ରସେନ ଭବନ ଠାରେ ପାଳିତ ହୋଇଯାଇଛି। ସମାଜର ବିଭିନ୍ନ ଉନ୍ନୟନମୂଳକ କାର୍ଯ୍ୟ ସମ୍ପାଦନରେ ମାରୱାଡ଼ି ସମାଜର ଭୂମିକା ସର୍ବଦା ସମସ୍ତଙ୍କୁ ଆକର୍ଷିତ କରିଥାଏ ଏବଂ ଦୃଷ୍ଟାନ୍ତ ସୃଷ୍ଟି କରିଥାଏ। ସମାଜ ଏହି ଭୂମିକାକୁ ବଞ୍ଚେଇ ରଖିବାକୁ ନୂତନ ପିଢ଼ିଙ୍କୁ ପ୍ରେରଣା ଦିଏ ଏହି ଜୟନ୍ତୀ। ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ନିଆରା ଢଙ୍ଗରେ ଧୁମ୍ ଧାମରେ ଜୟନ୍ତୀ ପାଳନ ସହ ପୂର୍ବରୁ ହୋଇଥିବା ବିଭିନ୍ନ ପ୍ରତି ଯୋଗିତା ତଥା ଖେଳ କୁଦ ମାଧ୍ୟମରେ ଅଞ୍ଚଳର ସଂସ୍କୃତି ଓ ପରମ୍ପରା ପ୍ରତି ଭବିଷ୍ୟତ ଯୁବ ପିଢୀଙ୍କ ମଧ୍ୟରେ ଆଗ୍ରହ ସୃଷ୍ଟି କରିବା ତଥା ଶିଶୁ ଓ ଯୁବକ ଯୁବତୀ ମାନଙ୍କ ଅନ୍ତର୍ନିହିତ ପ୍ରତିଭା ଅନ୍ୱେଷଣ କରିବାର ମହତ୍ ଉଦ୍ଦେଶ୍ୟକୁ ପ୍ରାଥମିକତା ଦେଇ ପ୍ରତିଯୋଗିତାରେ ଅତାବିରାର ସମସ୍ତ ମାରୱାଡ଼ି ପରିବାରର ଆବାଳ ବୃଦ୍ଧ ବନିତା ଅତି ଉତ୍କଣ୍ଠାର ସହ ଭାଗ ନେଇଥିଲେ।ଏହି ପ୍ରତିଯୋଗିତା ଗୁଡ଼ିକ ଭିତରେ ସାମାଜିକ ରୀତିନୀତି, ଆଧ୍ୟାତ୍ମିକ ଚିନ୍ତାଧାରା ଓ ନୈତିକ ମୂଲ୍ୟବୋଧ ଏବଂ ଏକତାର ଭାବଧାରା ଭରି ରହିଥିବା ସହ ତିନି ଦିନ ଧରି ଏକ ବର୍ଷରୁ ୟୁକେଜି ପର୍ଯ୍ୟନ୍ତ କୁନି କୁନି ପିଲାଙ୍କ ପାଇଁ ବିଭିନ୍ନ ପ୍ରତିଯୋଗିତା କରାଯାଇ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ୧୨୦ ଜଣ ପ୍ରତିଯୋଗୀଙ୍କୁ ଟ୍ରଫି ଦେଇ ପୁରସ୍କୃତ କରାଯାଇଥିଲା।
Comments are closed.