ପାଟଣା: ପାଟଣା ଓ ସାହାରପଡା ବ୍ଲକର ବିଭିନ୍ନ ସ୍ଥାନରେ ଆଜି ବିଜୁ ଜନତା ଦଳ ତରଫରୁ ନିର୍ବାଚନୀ ସଭା ଅନୁଷ୍ଠିତ ହୋଇଛି। ଏହି ସବୁ ସଭା ମାନଙ୍କରେ ବିଧାୟକ ପ୍ରାର୍ଥୀ ଜଗନ୍ନାଥ ନାଏକ ଯୋଗ ଦେଇ ଓଡ଼ିଶା ବାସୀ ନିଜର ପ୍ରିୟ ମୁଖ୍ୟମନ୍ତ୍ରୀ ଓ ସମୃଦ୍ଧ ଓଡିଶା ଗଠନରେ ସାରଥୀ ନବୀନ ପଟ୍ଟନାୟକଙ୍କୁ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ପଦରେ ବସାଇ ରେକର୍ଡ କରିବା ପାଇଁ ଆହ୍ୱାନ ଦେବା ସହ ବିଧାୟକ ଓ ସାଂସଦ ପ୍ରାର୍ଥୀଙ୍କୁ ଯୋଡିଏ ଶଙ୍ଖ ରେ ମୋହର ମାରି ଜୟଯୁକ୍ତ କରାଇବାକୁ ନିବେଦନ କରିଛନ୍ତି। ପାଟଣା ବ୍ଲକର ସରାସକୋଲା ହାଟ ପଡ଼ିଆ ଠାରେ ବ୍ଲକ ବିଜୁଜନତାଦଳ ସଭାପତି ମାଧବାନନ୍ଦ ପୃଷ୍ଟି ଙ୍କ ସଭାପତିତ୍ୱରେ ଅନୁଷ୍ଠିତ ନିର୍ବାଚନୀ ସଭାକୁ ଅରୁଣ ମହାନ୍ତ ସଂଯୋଜନା କରିଥିଲେ। ଅତିଥି ମାନଙ୍କ ମଧ୍ୟରେ ବିଜେଡିର ୩ ଜଣ ରାଜ୍ୟ ସମ୍ପାଦକ ସର୍ବଶ୍ରୀ ଭବାନୀ ଶଙ୍କର ନାଏକ, ସତ୍ୟବ୍ରତ ନାଏକ, ଗୌରହରି ନାଏକଙ୍କ ସହ ଦଳୀୟ ପର୍ଯ୍ୟବେକ୍ଷକ ଡକ୍ଟର ହରିଶ ଚୌଧୁରୀ, ପାଟଣା ବ୍ଲକ ସଂଯୋଜକ ଦୀପକ ରାଜ ପ୍ରମୁଖ ମଞ୍ଚାସୀନ ରହି ଜନତାଙ୍କୁ ବିଜୁ ଜନତାଦଳକୁ ଭୋଟ ଦେବାକୁ ନିବେଦନ କରିଥିଲେ। ସେହିପରି ସାହାରପଡା ବ୍ଲକର ବାଇକଳା, ମଲ୍ହାରପଦା,ଖଜିରାପାଟ, ଖୁଣ୍ଟାପଡା ଓ ଗଣ୍ଡବେଡା ଠାରେ ଅନୁଷ୍ଠିତ ନିର୍ବାଚନୀ ସଭାରେ ଉପରୋକ୍ତ ନେତା ମାନଙ୍କ ସହ ଜିଲ୍ଲା ପରିଷଦ ସଦସ୍ୟ ବୁଦ୍ଧଦେବ ମହାକୁଡ଼, କିରଣ ବାଳା ସିଂହ, କୃଷ୍ଣଚନ୍ଦ୍ର ମହାପାତ୍ର ଓ ବ୍ଲକ ସଂଯୋଜକ ପ୍ରଶାନ୍ତ କୁମାର ଭଞ୍ଜଦେଓ ପ୍ରମୁଖ ସାମିଲ ରହି ଦୁଇଟି ଶଙ୍ଖରେ ଭୋଟ ଦେବାକୁ ନିବେଦନ କରିଥିଲେ।
Comments are closed.