ଜି.ଉଦୟଗିରି: ସ୍ଥାନୀୟ ସହର ବନ୍ଧଛକ ସ୍ଥିତ ଚକରା ବିଷୋୟୀଙ୍କ ପ୍ରତିମୁର୍ତ୍ତି ନିକଟରେ ଥିବା ହାଇମାଷ୍ଟ ଲାଇଟ ଖୁଣ୍ଟ ମୁଳରୁ ଟଳିପଡି ସାରଙ୍ଗଗଡ ଯିବା ରାସ୍ତା ଉପରେ ପଡିଥିବା ଜଣାପଡିଛି। ତେବେ କାହାର କିଛି କ୍ଷତି ହୋଇ ନାହିଁ। ଜି.ଉଦୟଗିରି ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ବନ୍ଧଛକ ସ୍ଥିତ ଚକରା ବିଶୋୟୀଙ୍କ ପ୍ରତିମୂର୍ତ୍ତି ନିକଟରେ ଥିବା ହାଇମାଷ୍ଟ ଲାଇଟ ଖୁଣ୍ଟର ତାର ଟିକେ ତଳକୁ ଓହଳି ରହିଥିଲା। ବୁଧବାର ଦିନ ମଧ୍ୟାହ୍ନ ଏକ ଯାତ୍ରୀବାହୀ ବସ ସେ ରାସ୍ତା ଦେଇ ଯାଉଥିବା ବେଳେ ବସ ଉପରେ ରଖାଯାଇଥିବା ବସ୍ତା ଲାଗିଯିବା ଫଳରେ ତାର ଛିଣ୍ଡିବା ସହ ଲାଇଟ ଖୁଣ୍ଟ ମଧ୍ୟ ମୁଳରୁ ଟଳି ରାସ୍ତାରେ ପଡିଥିଲା। ହେଲେ ସେ ସମୟରେ ସେଠି କେହି ନଥିଲେ କି ତାରରେ ବିଦ୍ୟୁତ ପ୍ରବାହ ମଧ୍ୟ ନଥିଲା। ଯଦି ସନ୍ଧ୍ୟା ପରେ ଏ ଦୁର୍ଘଟଣା ଘଟିଥାନ୍ତା ତେବେ ଅଘଟଣକୁ ଏଡାଇ ହୋଇନଥାନ୍ତା। ଖବରପାଇ ବିଦ୍ୟୁତ ବିଭାଗ ତୁରନ୍ତ ବିଦ୍ୟୁତ ବିଛିନ୍ନ କରିଥିବା ବେଳେ ବିଜ୍ଞାପିତ ଅଞ୍ଚଳ ପରିଷଦର କର୍ମଚାରୀ ପହଞ୍ଚି ଲାଇଟ ଖୁଣ୍ଟକୁ ସାଇଡ କରିଥିଲେ। ତେବେ ଘଟଣାସ୍ଥଳରୁ ଜଣାପଡିଛି ଯେ ହାଇମାଷ୍ଟ ଲାଇଟ ଖୁଣ୍ଟର ମୁଳ ଅଂଶଟି କେବେଠାରୁ କଳଙ୍କି ହୋଇଯାଇଥିଲା।
Popular Categories
Previous article
Next article