କଣ୍ଟାବାଞ୍ଜି : କଣ୍ଟାବାଞ୍ଜି ତୁରେକେଲା ରାସ୍ତା ରାଜୀବ ଛକ ନିକଟରେ ସନ୍ଧ୍ୟା ୭ଟାରୁ ପୁଲିସ ଓ ସିଆରପିଏଫ ଯବାନମାନେ ଚାରି ଛକ ନିକଟରେ ନାକାବନ୍ଦୀ କରି ବାଇକ, ଚାରିଚକିଆ ଗାଡି ଯାଞ୍ଚ ରଖିଛନ୍ତି । ନିର୍ବାଚନକୁ ଦୃଷ୍ଟିରେ ରଖି, ଟଙ୍କା ପଇସା, ମଦ, ଅସ୍ତ୍ର ଶସ୍ତ୍ରକୁ ନେଇ ଯାଞ୍ଚ କଡାକଡି କରାଯାଉଛି । ଗତକାଲି ଗୋଶାଳାଛକ ନିକଟରେ ନାକାବନ୍ଦୀ ଚାଲିଥିବାବେଳେ ୨ ବାଇକ ଆରୋହୀଙ୍କଠାରୁ ୩ ଲକ୍ଷ ଟଙ୍କା ମିଳିଥିଲା । ସନ୍ତୋଷ ଜନକ ଉତ୍ତର ଦେଇନପାରିବାରୁ ଟଙ୍କା ଜବତ କରାଯାଇ ଉପକୋଷଗାରରେ ସିଜ କରି ରଖାଯାଇଛି । ନିର୍ବାଚନ ପରେ ପ୍ରମାଣ ଦେଖାଇ ଟଙ୍କା ଫେରସ୍ତ ନେବେ ବୋଲି ଫ୍ଲାଇଙ୍ଗ ସ୍କ୍ୱାର୍ଡନମ୍ବର ୧୪ ଟିମର ଅଧିକାରୀ ପ୍ରଦୀପ୍ତ ଧଳ ପ୍ରକାଶ କରିଛନ୍ତି । ସ୍କ୍ୱାର୍ଡ ରେ ପୁଲିସ ଏଏସଆଇ ଗୌତମ ବେହେରାଙ୍କ ସହ ପୁଲିସ ସିଆରପିଏଫ ଯବାନ ଥିଲେ । ଆଜିର ନାକାବନ୍ଦୀରେ ମହିଳା ସବ ଇନ୍ସପେକ୍ଟର ପୁର୍ଣ୍ଣିମା ଓରାମ ଓ ଏଏସଆଇ ଅଶୋକ ପ୍ରଧାନଙ୍କ ସହ ପୁଲିସ ଓ ସିଆରପିଏଫ ଯବାନ ଯାଞ୍ଚ ରଖିଛନ୍ତି ।
Comments are closed.