ଡେସ୍କ: ଦେଶରେ କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ ଦିନକରେ ୫ ହଜାର ୩୫୭ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ରବିବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ତରଫରୁ ଜାରି ସୂଚନାନୁଯାୟୀ ଗୋଟିଏ ଦିନରେ ୫୩୫୭ ଜଣ ନୂଆ ସଂକ୍ରମିତ ଚିହ୍ନଟ ହେବା ଫଳରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୨୮୧୪ରେ ପହଞ୍ଚିଛି। ଅନ୍ୟପକ୍ଷରେ କରୋନାରୁ ସୁସ୍ଥତା ହାର ୯୮.୭୪% ରହିଥିବା ବେଳେ ଦୈନିକ ସଂକ୍ରମଣ ୩.୩୯% ରେକର୍ଡ ହୋଇଛି। ସାପ୍ତାହିକ ସଂକ୍ରମଣ ହାର ୩.୫୪% ରହିଛି। ଇତିମଧ୍ୟରେ ୨୨୦,୬୬ କୋଟି କରୋନା ଟିକା ପ୍ରଦାନ କରାଯାଇଥିବା ଜଣାପଡ଼ିଛି। ଗତ ୨୪ ଘଣ୍ଟା ମଧ୍ୟରେ ୬୫୯ଟି ଡୋଜ ଟୀକା ଦିଆଯାଇଛି।
ଗତ ୨୪ ଘଣ୍ଟା ମଧ୍ୟରେ ୩୭୨୬ ଜଣ ସୁସ୍ଥ ହେବା ପରେ ମୋଟ ଆରୋଗ୍ୟ ସଂଖ୍ୟା ୪ କୋଟି ୪୧ ଲକ୍ଷ ୯୨ ହଜାର ୮୩୭ରେ ପହଂଚିଛି। ସେହି ସମୟ ମଧ୍ୟରେ ୧ ଲକ୍ଷ ୫୭ ହଜାର ୮୯୪ଟି କରୋନା ନମୁନା ପରୀକ୍ଷା କରାଯାଇଛି। ତେବେ ଆସନ୍ତା ସୋମବାର ଓ ମଙ୍ଗଳବାର ସାରା ଦେଶରେ ଏ ନେଇ ମକଡ୍ରିଲ କରାଯିବ।
Comments are closed.