ନୂଆଦିଲ୍ଲୀ: ଟିମ୍ ଇଣ୍ଡିଆ ଉପରେ ଜୋରିମାନା ଲଗାଇଛି ଆଇସିସି। ନ୍ୟୁଜିଲ୍ୟାଣ୍ଡ୍ ବିପକ୍ଷ ଚତୁର୍ଥ ଟି-୨୦ ଭାରତ ସୁପର ଓଭରରେ ବିଜୟୀ ହୋଇ ୪-୦ରେ ସିରିଜ୍ ଆଗୁଆ ରହିଥିଲା। କିନ୍ତୁ ଗୋଟିଏ ଭୁଲ ଟିମ୍ ଇଣ୍ଡିଆ ପାଇଁ ମହଙ୍ଗା ପଡିଛି। ଚତୁର୍ଥ ଟି-୨୦ ରେ ଭାରତ ମନ୍ଥର ବୋଲିଂ କରିଥିବା ଅଭିଯୋଗରେ ଆଇସିସି ଟିମ୍ ଇଣ୍ଡିଆ ଉପରେ ଜୋରିମାନା ଲଗାଇଛି। ଟିମ୍ ଇଣ୍ଡିଆ ଚତୁର୍ଥ ଟି-୨୦ରେ ନିର୍ଦ୍ଧାରିତ ସମୟ ମଧ୍ୟରେ ୨ ଓଭର କମ୍ ବୋଲିଂ କରିଥିଲା। ଯେଉଁଥି ପାଇଁ ଶନିବାର ମ୍ୟାଚ୍ ରେଫରୀ କ୍ରିସ୍ ବ୍ରଡଙ୍କ ଅଧ୍ୟକ୍ଷତା ମ୍ୟାଚ୍ ରେଫରୀ ସମିତି ଟିମ ଇଣ୍ଡିଆ ଉପରେ ଜୋରିମାନା ଲଗାଇଛନ୍ତି।
India have been sanctioned for maintaining a slow over-rate during the fourth #NZvIND T20I.https://t.co/P0qKvaPs2Z
— ICC (@ICC) February 1, 2020
ଆଇସିସିର ଆଚାର ସଂହିତା ଅନୁଚ୍ଛେଦ ୨.୨.୧ ଅନୁସାରେ ମନ୍ଥର ବୋଲିଂ ପାଇଁ ଟିମ୍ ଇଣ୍ଡିଆ ଖେଳାଳିଙ୍କ ମ୍ୟାଚ୍ ଫିରୁ ୪୦ ପ୍ରତିଶତ ଜୋରିମାନା ଲଗାଯାଇଛି। ଟିମ୍ ଇଣ୍ଡିଆ ନିର୍ଦ୍ଦାରିତ ସମୟ ମଧ୍ୟରେ ୨ ଓଭର କମ୍ ବୋଲିଂ କରିଥିବାରୁ ଗୋଟିଏ ଓଭର ପାଇଁ ୨୦ ପ୍ରତିଶତ ମ୍ୟାଚ ଫି ହିସାବରେ ପ୍ରତି ଖେଳାଳିଙ୍କ ମ୍ୟାଚ ଫିରୁ ଦୁଇ ଓଭର ପାଇଁ ୪୦ ପ୍ରତିଶତ ମ୍ୟାଚ ଫି ଜୋରିମାନା ଆକାରରେ କଟିବ। ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି ଏହି ଭୁଲକୁ ସ୍ଵୀକାର କରିବା ସହ ଆଇସିସିର ଜୋରିମାନାକୁ ମଧ୍ୟ ସ୍ଵୀକାର କରିଛନ୍ତି, ତେଣୁ ଏହି ମାମଲାରେ ଆଗକୁ ଆଉ କୌଣସି ଶୁଣାଣି ହେବ ନାହିଁ।
