ନିମାପଡ଼ା : ସ୍ୱାଧୀନତା ଦିବସରେ ଜାତୀୟ ପତକାକୁ ଅସମ୍ମାନ କରିବା ଅଭିଯୋଗରେ ଜନୈକା ଅଙ୍ଗନବାଡି କର୍ମୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଡିଓ ଡ. ଅଭିଜିତ୍ ଷଡଙ୍ଗୀ ପ୍ରକାଶ କରିଛନ୍ତି। ନିମାପଡା ବ୍ଲକ ମିଟେଇପୁର ପଞ୍ଚାୟତ ଅନ୍ତର୍ଗତ ତୋଟାସାହି ଗ୍ରାମରେ ଥିବା ଅଙ୍ଗନବାଡି କେନ୍ଦ୍ରର ନିଜସ୍ୱ ଗୃହ ନଥିବା ବେଳେ ଗାଁ କୋଠଘରେ ଏହି କେନ୍ଦ୍ର ଚାଲୁଛି। ଅଗଷ୍ଟ ୧୫ରେ ଉକ୍ତ ଅଙ୍ଗନବାଡି କେନ୍ଦ୍ରର କର୍ମୀ ମମତା ମୁଦୁଲି ବିଳମ୍ବରେ ଆସି ଅଙ୍ଗନବାଡି କେନ୍ଦ୍ରରେ ଜାତୀୟ ପତକା ଉତ୍ତୋଳନ କରିବା ସହିତ ସମୟ ପୂର୍ବରୁ ଅର୍ଥାତ ଦିନ ପ୍ରାୟ ୧୨ଟା ୪୫ରେ ପତାକାକୁ ଅବତରଣ କରି ପଳାଇଥିଲେ। ଏହାକୁ ଦେଖି ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା। ଏସମ୍ପର୍କରେ ବିଡିଓଙ୍କ ନିକଟରେ ଗ୍ରାମର କିଛି ଲୋକ ଅଭିଯୋଗ କରିବାରୁ ଘଟଣାର ତଦନ୍ତ ପାଇଁ ସେ ସିଡିପିଓଙ୍କୁ ନିର୍ଦେଶ ଦେଇଥିଲେ। ସିଡିପିଓ ମାଧବୀ ମହାପାତ୍ର ସମ୍ପୃକ୍ତ ଅଙ୍ଗନବାଡି କର୍ମୀଙ୍କୁ କାରଣ ଦର୍ଶା ନୋଟିସ ଜାରି କରିଥିବା କହିଛନ୍ତି।
Popular Categories
Previous article
Next article