ଡେସ୍କ: ସୂଚନା ଏବଂ ପ୍ରସାରଣ ମନ୍ତ୍ରଣାଳୟ, ପ୍ରେସ ଏବଂ ପତ୍ରିକା ପଞ୍ଜୀକରଣ ନିୟମ ୨୦୨୪ର ଡ୍ରାଫ୍ଟ ସମ୍ବନ୍ଧରେ ମତାମତ ଏବଂ ପରାମର୍ଶ ଲୋଡିଛି। ହିତାଧିକାରୀ ଏବଂ ସାଧାରଣ ଜନତା ଫେବୃଆରୀ ୪ ତାରିଖ ସୁଦ୍ଧା amarendra.singh@nic.in କୁ ଇମେଲ ଜରିଆରେ ସେମାନଙ୍କର ମତାମତ ଏବଂ ପରାମର୍ଶ ପଠାଇ ପାରିବେ।
- Advertisement -
ଡ୍ରାଫ୍ଟ ନିୟମ ଅନୁଯାୟୀ, ଖବରକାଗଜ ପ୍ରକାଶନର ୪୮ ଘଣ୍ଟା ମଧ୍ୟରେ ପ୍ରକାଶକ ପ୍ରେସ୍ ସେବା ପୋର୍ଟାଲରେ ଖବରକାଗଜର ଇଲେକ୍ଟ୍ରୋନିକ୍ ସଂସ୍କରଣ ଅପଲୋଡ୍ କରିବେ। ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ପ୍ରକାଶକ ଖବରକାଗଜର ଏକ କପି ସୂଚନା କାର୍ଯ୍ୟାଳୟକୁ ପ୍ରତି ମାସର ୫ ତାରିଖ ସୁଦ୍ଧା ପଠାଇବେ। ପ୍ରକାଶକ ନିୟମିତ ରିଟର୍ଣ୍ଣ ଦାଖଲ ନକଲେ ପ୍ରକାଶକଙ୍କ ବ୍ୟବସାୟିକ କାଗଜପତ୍ର ଏବଂ ଅନ୍ୟାନ୍ୟ ରେକର୍ଡର ଯାଞ୍ଚ କରାଯିବ। ପ୍ରେସ୍ ରେଜିଷ୍ଟ୍ରାର୍ ଜେନେରାଲ୍ କେବଳ ଦିନକୁ ୨୫ ହଜାର କପି କିମ୍ବା ତା’ଠାରୁ ଅଧିକ ହୋଇଥିଲେ ଯାଞ୍ଚ କରିବେ।
