କେଶଦୁରାପାଳ: ଘଷିପୁରା ନିର୍ବାଚନ ମଣ୍ଡଳୀ ଅନ୍ତର୍ଗତ କୋଳିମାଟି ପଞ୍ଚାୟତ ଜନଜାତି ଅଧ୍ୟୁଷିତ କୁମଡ ଗ୍ରାମର ଶହ ଶହ ଗରିବ ଅଧିବାସୀଙ୍କୁ କେନ୍ଦ୍ର ସରକାରଙ୍କ ଦ୍ଵାରା ଯୋଗାଇ ଦିଆଯାଇ ଥିବା ଗରିବ କଲ୍ୟାଣ ଯୋଜନାରୁ ଯେଭଳି ବଞ୍ଚିତ କରାଯାଉଥିବା କେନ୍ଦୁଝର ଜିଲ୍ଲା ବୁଦ୍ଧିଜୀବୀ ସେଲ ସଂଯୋଜକ ଡ଼ଃ ଶମ୍ଭୁନାଥ ରାଉତ କ୍ଷୋଭ ପ୍ରକାଶ କରିଛନ୍ତି। ଏ ପର୍ଯ୍ୟନ୍ତ ଅଶୀ ବର୍ଷରେ ପହଞ୍ଚିଥିବା ବୃଦ୍ଧ ବୃଦ୍ଧା ମାନେ ଭତ୍ତା ପାଇବାରୁ ବଞ୍ଚିତ ଅଛନ୍ତି। ଦାରିଦ୍ର୍ୟ ସୀମରେଖା ତଳେ ଥିବା ହିତାଧିକାରୀ ପ୍ରଧାନମନ୍ତ୍ରୀ ବାସଗୃହ ଯୋଜନାରେ ଘର ଖଣ୍ଡିଏ ପାଇନାହାନ୍ତି। ଶହେ ଘରରୁ ଅଧିକ ପରିବାର ପାଇଁ ଗୋଟିଏ ନଳକୂପ ଥିବା ବେଳେ ଗ୍ରାମ ଠାରୁ ଅନତି ଦୂରରେ ଥିବା ବୈତରଣୀ ନଦୀରୁ ପାଣି ଆଣି ବ୍ୟବହାର କରୁଛନ୍ତି ଯେଉଁଠାରେ ଘାଟ ନାହିଁ। ସେହି ଗ୍ରାମକୁ ବିଡ଼ିଓ କିମ୍ବା କୌଣସି ସରକାରୀ ଅଧିକାରୀଙ୍କ ପାଦ ପଡ଼ିବା କଥା ସେହି ଗ୍ରାମର ଲୋକଙ୍କ ମୁହଁରୁ ସିଧା ସଳଖ ଶୁଣିଲେ ବାସ୍ତବତାକୁ ଉପଲବ୍ଧି କରିହେବ। ତୁରନ୍ତ ଏହି ସମସ୍ୟା ଗୁଡ଼ିକର ସମାଧାନ କରା ନ ଗଲେ କୁମଡବାସୀଙ୍କ ସହ ସେ ରାଜରାସ୍ତାକୁ ଓହ୍ଲାଇବା ପାଇଁ ଚେତାବନୀ ଦେଇଛନ୍ତି।
Popular Categories
Previous article
Next article