ଫୁଲବାଣୀ: କନ୍ଧମାଳ ଜିଲ୍ଲା ସ୍ଥରୀୟ ସମିତି ସଭ୍ୟ ସଭ୍ୟା ମହାସଂଘ ବୈଠକ ଫିରିଙ୍ଗିଆ ବ୍ଲକ ବିଜୁ କଲ୍ୟାଣୀ ମଣ୍ଡପ ଫିରିଙ୍ଗିଆ ଠାରେ ଅନୁଷ୍ଠିତ ହୋଇଛି। ଏହି ବୈଠକ ରେ ମୁଖ୍ୟ ଅତିଥି ଭାବରେ ଜିଲ୍ଲା ସଂଘର ସଭାପତି ବୈଦ୍ୟନାଥ ବେହେରା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଫିରିଙ୍ଗିଆ ବ୍ଲକ ଅଧ୍ୟକ୍ଷା ନମିତା କହଁର ଏବଂ ଜିଲ୍ଲାର ପ୍ରତ୍ୟେକ ବ୍ଲକର ସଭାପତି ଓ କର୍ମକର୍ତ୍ତା ଯୋଗ ଦେଇଥିଲେ। ବ୍ଲକ ସଭାପତି ପଞ୍ଚାନନ ଦିଗାଲଙ୍କ ଅଧ୍ୟକ୍ଷତାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଜିଲାରୁ ଶତାଧିକ ସମିତି ସଭ୍ୟ /ସଭ୍ୟା ଜିଲ୍ଲା ବୈଠକରେ ଯୋଗ ଦେଇଥିବା ବେଳେ ଜିଲ୍ଲା ସଂଘର ସମିତି ସଭ୍ୟ ସଭ୍ୟା ମାନଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା। ସମିତି ସଭ୍ୟ ମାନଙ୍କୁ ସରକାର ପ୍ରତ୍ୟେକ କ୍ଷେତ୍ରରେ ଅଣ ଦେଖା କରୁଥିବା ନେଇ ଏବଂ ବିଭିନ୍ନ କାର୍ଯ୍ୟକ୍ରମରୁ ଦୁରେଇ ରଖିବାକୁ ନେଇ ଏବଂ ଅବହେଳା ପ୍ରଦର୍ଶନ କରୁଥିବାରୁ ବୈଠକରେ ଉଦବେଗ ପ୍ରକାଶ ପାଇଥିଲା।
କାର୍ଯ୍ୟକ୍ରମକୁ ଫିରିଙ୍ଗିଆ ସମିତି ସଭ୍ୟ ବ୍ଲକ ସଂଘ ଉପ ସଭାପତି ମୌସୁମୀ ପ୍ରଧାନ ପରିଚାଳନା କରିଥିଲେ। ଅନ୍ୟ ମାନଙ୍କ ମଧ୍ୟରେ ସଂଘର ଜିଲ୍ଲା ଉପ ସଭାପତି ଭାଗ୍ୟବାନ ବେହେରା, ଜୁନେସ ଦିଗାଲ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜାନକୀ କହଁର, କାଳୀ ପ୍ରସାଦ ମଲିକ, କାର୍ଯ୍ୟକାରିଣୀ ସଦସ୍ୟ ଧବଳେଶ୍ୱର ପାତ୍ର, ଜିଲ୍ଲା ସମ୍ପାଦକ ଅଜିତ କୁମାର ସାହୁ, ଉପଦେଷ୍ଟା ପିଣ୍ଡିକ କହଁର, ସିର୍ନିବାସ ମଲିକ, ଲାଲ ନନ୍ଦା ପ୍ରଧାନ ଓ ବରିଷ୍ଠ ସାମ୍ବାଦିକ ମହାଦେବ ସାହୁ ଯୋଗ ଦେଇଥିଲେ।
Comments are closed.