ଫୁଲବାଣୀ: କନ୍ଧମାଳ ଜିଲ୍ଲା ଆଇନ ସେବା ପ୍ରାଧିକରଣ ତରଫରୁ ଜିଲ୍ଲା ଦୌରା ଜଜ୍ଙ୍କ ଅଦାଲତରେ ଆଜି ଜିଲ୍ଲାସ୍ତରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି। ପୂର୍ବରୁ ବିଚାରାଧିନ ୨ଗୋଟି ମୋଟର ଯାନ ଦୁର୍ଘଟଣା ଜନିତ କ୍ଷତି ପୂରଣ ମାମଲାରେ ୮ ଲକ୍ଷ ୮୦ହଜାର ଟଙ୍କା ଆଦାୟ କରାଯାଇଥିବା ବେଳେ ୯ ଗୋଟି ପାରିବାରିକ ବିବାଦର ବିଚାର କରାଯାଇ ୪ ଲକ୍ଷ ୩୮ହଜାର ୨୫୦ ଟଙ୍କା ଆଦାୟ କରାଯାଇଛି। ସେହିପରି ୨୨୨ ଗୋଟି ରାଜସ୍ୱ ମାମଲାର ବିଚାର କରାଯାଇ ସେଥିମଧ୍ୟରୁ ୨୨୦ଟିର ସମାଧାନ କରାଯାଇପାରିଛି। ଅନ୍ୟାନ୍ୟ ୩୯ ଗୋଟି ଆନୁଷଙ୍ଗିକ ମାମଲା ଯାହାକି ଅର୍ଦ୍ଧନ୍ୟାୟିକ କର୍ତ୍ତୃପକ୍ଷଙ୍କ ବିଚାରାଧୀନ ରହିଛି ସେଥିମଧ୍ୟରୁ ୭ ଗୋଟି ମାମଲାର ଫଇସଲା କରାଯାଇଛି। ଅତିରିକ୍ତ ଜିଲ୍ଲା ଓ ଦୌରା ଜଜ୍, ପାରିବାରିକ ଅଦାଲତ୍ ବିଚାରପତି, ଜିଲ୍ଲା ଆଇନ ସେବା ପ୍ରାଧିକରଣ ସଚିବ, ଏବଂ ଉପଖଣ୍ଡ ବିଚାର ବିଭାଗୀୟ ମାଜିଷ୍ଟ୍ରେଟ୍ଙ୍କ ଇଜ୍ଲାସରେ ମାମଲା ଗୁଡ଼ିକର ବିଚାର କରାଯାଇଥିଲା।
Comments are closed.