ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟର ସାମୁଦ୍ରିକ ବିଜ୍ଞାନ ବିଭାଗ ତରଫରୁ ଆୟୋଜିତ ଦୁଇ ଦିନିଆ ଜାତୀୟ ସମ୍ମିଳନୀ ଆଜି ଉଦ୍ଯାପିତ ହୋଇଯାଇଛି। ‘ଉତ୍ତର-ଭାରତୀୟ ମହାସାଗରର ପରିବେଶ ଏବଂ ଜୈବ-ଭୂ-ରସାୟନ ଗୁଣାବଳୀ’ ଶୀର୍ଷକକୁ ଆଧାର କରି ଏହି ସମ୍ମିଳନୀ ଆୟୋଜିତ ହୋଇଥିଲା। ଗତ ଗୁରୁବାର ଦିନ ବିଶ୍ଵବିଦ୍ୟାଳୟର ପ୍ରଶାସନିକ ବିଭାଗର ସିନେଟ୍ ହଲରେ ଏହି ସମ୍ମିଳନୀ କୁଳପତି ପ୍ରଫେସର ଗୀତାଞ୍ଜଳି ଦାଶଙ୍କ ଅଧ୍ୟକ୍ଷତାରେ ଉଦ୍ଘାଟିତ ହୋଇଥିଲା। ମୁଖ୍ୟ ଅତିଥି ଭାବେ ସ୍ଥାନୀୟ ଗୋପାଳପୁର କୋଷ୍ଟ ଗାର୍ଡର ଡେପ୍ୟୁଟି କମାଣ୍ଡର ଧନଞ୍ଜୟ ମିଶ୍ର କୋଷ୍ଟ ଗାର୍ଡର କର୍ତ୍ତବ୍ୟ ଏବଂ ଉପକୂଳବାସୀଙ୍କୁ ପ୍ରଦାନ କରାଯାଉଥିବା ସୁରକ୍ଷା ଏବଂ ଗବେଷକଙ୍କ ପାଇଁ କୋଷ୍ଟ ଗାର୍ଡ ଦ୍ୱାରା ଯୋଗେଇ ଦିଆଯାଉଥିବା ବିଭିନ୍ନ ସୁଯୋଗ ବିଷୟରେ ଦୃଷ୍ଟିପାତ କରିଥିଲେ। ମୁଖ୍ୟ ବକ୍ତା ଭାବରେ ଗୋପାଳପୁର ଭାରତୀୟ ପ୍ରାଣୀ ବିଜ୍ଞାନ କେନ୍ଦ୍ରର ବୈଜ୍ଞାନିକ ଡ.ଅନିଲ ମହାପାତ୍ର ଯୋଗ ଦେଇ ସାମୁଦ୍ରିକ ବିଜ୍ଞାନର ବିଭିନ୍ନ ଅନୁସନ୍ଧାନ ମୂଳକ ଦୃଷ୍ଟି କୋଣ ଏବଂ ନିଜର ଏହି ବିଭାଗ ସହିତ ରହିଥିବା ଅଭିଜ୍ଞତା ସମ୍ବନ୍ଧରେ ଆଲୋକପାତ କରିଥିଲେ। ଏହି ଅବସରରେ ସାମୁଦ୍ରିକ ବିଜ୍ଞାନ ବିଭାଗର ‘ସ୍ମରଣିକା’ ଉନ୍ମୋଚିତ ହୋଇଥିଲା। ସମ୍ମିଳନୀରେ ବିଭିନ୍ନ ଅନୁଷ୍ଠାନ ରୁ ୧୬ ଜଣ ଗବେଷକ, ଛାତ୍ରଛାତ୍ରୀ, ଅଧ୍ୟାପକ ସନ୍ଦର୍ଭ ପାଠ କରିଥିଲେ। ଉଦ୍ଯାପନୀ ଉତ୍ସବ ରେ ଗୋପାଳପୁର ବନ୍ଦରର ଡେପୁଟି ଜେନେରାଲ ମ୍ୟାନେଜର ସଞ୍ଜୟ ଥୋରାଟ ଯୋଗଦାନ କରି ନିଜର ମୂଲ୍ୟବାନ ବାର୍ତ୍ତା ପ୍ରଦାନ କରିବା ସହ ସମସ୍ତ ଅଂଶଗ୍ରହଣକାରୀ ମାନଙ୍କୁ ପ୍ରମାଣ ପତ୍ର ପ୍ରଦାନ କରିଥିଲେ।
Popular Categories
Previous article
Next article